އިނގިރޭސިވިލާތުގެ ގާނޫނު ހަދާ މަޖިލީހުގެ މެމްބަރަށް އަވަސް ޝިފާއަކަށް އެދިވަޑައިގެން ރައީސް ސާލިހު މެސެޖް ކުރައްވައިފި
15 އޮކްޓޯބަރު 2021 | ހުކުރު 14:33ޑޭވިޑަކީ ރާއްޖެއާ އިނގިރޭސިވިލާތުގެ ގުޅުމުގެ މުހިއްމު ބައިވެރިއެއް
ޑޭވިޑް އެމެސް - އިނގިރޭސިވިލާތުގެ ގާނޫނުހަދާ މަޖިލީހުގެ މެމްބަރެއް
އިނގިރޭސިވިލާތުގެ ގާނޫނު ހަދާ މަޖިލީހުގެ މެމްބަރު ޑޭވިޑް އެމެސްއަށް ބަޔަކު ހަމަލާދީ ޒަޚަމް ކޮށްލުމާ ގުޅިގެން އެ މަނިކުފާނަށް އަވަސް ޝިފާއަކަށް ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު އެދިވަޑައިގެންފިއެވެ.
ރައީސް ވިދާޅުވީ، އެ ޚަބަރާއެކު އެމަނިކުފާނަށް ކުއްލި ސިހުމެއް ލިބިވަޑައިގެންނެވި ކަމަށާއި، ޑޭވިޑަކީ ރާއްޖެއާ އިނގިރޭސިވިލާތުގެ ގުޅުމުގެ މުހިއްމު ބައިވެރިއެއް ކަމަށެވެ. އެމަނިކުފާނުގެ ހެޔޮ ދުއާ ޑޭވިޑާއެކުވާ ކަމަށާއި، އެ ބިރުވެރި ހަމަލާއިން ލިބިވަޑައިގެންނެވި ޒަޚަމްތަކަށް އަވަސް ޝިފާއަކަށް އެދިވަޑައިގަންނަވާ ކަމަށް ރައީސް ވިދާޅުވިއެވެ.
ޑޭވިޑަށް ބަޔަކު ތޫނު އެއްޗަކުން ހަމަލާ ދީފައިވަނީ އޭނާގެ ދާއިރާގެ މެމްބަރުންނާއެކު ފައްޅިއެއްގައި އިންނަވަނިކޮށެވެ. ޑޭވިޑަށް ހޮސްޕިޓަލުގައި ފަރުވާ ދެމުންދާއިރު، އޭނާގެ ހާލު އަދި ނޭގޭ ކަމަށް ބޭރުގެ މީޑިއާތަކުގައި ރިޕޯޓުކޮށްފައިވެއެވެ.
މިކަމާ ގުޅިގެން ވަޅިއަކާއެކު އެކަކު ވަނީ ހައްޔަރު ކޮށްފައެވެ. ފުލުހުން ބުނީ. އެކަމާ ގުޅުން ހުރި އިތުރު ބަޔަކު ހޯދުމަށް އަދި މަސައްކަތް ކުރަމުން ނުދާ ކަމަށެވެ.
