އެމްޓީސީސީގެ ފްލީޓަށް ވެހިކަލްތަކެއް އިތުރުކޮށްފި

މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) ގެ ފްލީޓަށް ބައެއް ވެހިކަލް އިތުރުކޮށްފިއެވެ.

އެމްޓީސީސީގެ ފްލީޓަށް އިތުރު ކުރި ވެހިކަލްތަކުގެ ތެރޭގައި 30 ޓަނުގެ 10 ހައިމާކާއި، 25 ޓަނުގެ 15 ލޮރީ އަދި 6 ލޯޑާރު ހިމެނެއެވެ.

އެމްޓީސީސީއަށް އައު ވެހިކަލްތައް ގެނެސްފައި މިވަނީ، އެކުންފުނީގެ ކެޕޭސިޓީ އިތުރުކޮށް ވަރުގަދަ ކުރުމަށް ކުރަމުން އަންނަ މަސައްކަތުގެ ތެރެއިންނެވެ. އެ ކުންފުންޏަކީ، ރާއްޖޭގެ އެކި ކަންކޮޅުތަކުގައި ބަނދަރު ހެދުމާއި ގޮނޑުދޮށް ހިމާޔަތްކުރުމުގެ މަސައްކަތް ބާރު ސްޕީޑްގައި ކުރަމުން އަންނަ ކުންފުންޏެކެވެ. ކުންފުނީގެ މަސައްކަތްތައް ލަސްވިޔަ ނުދިނުމަށް ކުންފުނީގެ ކެޕޭސިޓީ އިތުރުކުރުމަށް ކުންފުނިން ފަށާފައިވާ މި ޕްރޮޖެކްޓްގެ ސަބަބުން ގިނަ ސަރަހައްދުތަކެއްގައި އެއްފަހަރާ މަސައްކަތްކުރުމަށް ފަސޭހަވެގެންދާނެ ކަމަށް އެ ކުންފުނީގެ ސީއީއޯ މީގެ ކުރިން ވަނީ ވިދާޅުވެފައެވެ.  

އެމްޓީސީސީއަކީ ސަރުކާރުން ހިންގާ ތަރައްގީގެ އެންމެ ގިނަ މަޝްރޫޢުތައް ރާއްޖޭގެ އެކި ކަންކޮޅުތަކުގައި މިހާރު ހިންގަމުން އަންނަ ކުންފުންޏެވެ. އެކުންފުނީގެ އަމާޒަކީ، ސަރުކާރުން ކަނޑައަޅާފައިވާ މުއްދަތުގައި އެ މަސައްކަތްކޮށް ނިންމުމެވެ. މިހާރު ވެސް ރާއްޖޭގެ އެކި ކަންކޮޅުތަކުގައި 65ށްވުރެ ގިނަ މަޝްރޫއު އެކުންފުނިން އަންނަނީ ހިންގަމުންނެވެ.