އެޗްޑީސީން އިސްރަށްވެހިންގެ ދުވަސް ފާހަގަކުރަނީ

އެޗްޑީސީ، ދިރާގު އަދި ކޮމިއުނިޓީ ނާސް ވޮލެންޓިއާސް ގުޅިގެން އިސްރަށްވެހިންގެ ދުވަސް ފާހަގަކުރުމަށް ނިންމައިފިއެވެ.

އެޗްޑީސީން ބުނީ، ކޮވިޑް-19 ގެ ބަލިމަޑުކަމުގައި އިސްރަށްވެހިންނަށް ދަތި އުނދަގޫތަކެއް ތަހައްމަލު ކުރަން ޖެހިފައިވާ ކަމަށާއި، އެ މީހުންނަށް ވެސް މުޖުތަމަޢުގައި ހިންގާ ކަންކަމުގައި ބައިވެރިވުމުގެ ފުރުސަތު ލިބެން ޖެހޭ ކަމަށެވެ.

އިސްރަށްވެހިންނަށް ހާއްސަ ކޮށްގެން އޮކްޓޫބަރު 2 ވަނަ ދުވަހު ބާއްވާ މި ހަރަކާތުގައި ރައްޓެހިންގެ ގްރޫޕްތަކާއެކު ބައިވެރިވެވޭ ގޮތަށް ބޯޑް ގޭމްސް ފަދަ ކުޅިވަރުތައް ވަނީ ހިމަނާފައެވެ.

ހަމަ އެހެންމެ، ދުޅަހެޔޮ ސިއްހަތެއްގައި ދެމިތިބުމަށް ބާރު އަޅައި ގިނަ މަޢުލޫމާތު ދިނުމާއި، އެ ފަރާތްތަކުގެ ހަކުރު އަދި ލޭގެ ޕްރެޝަރު ބަލައި ދޭނެ އެވެ.