ރާއްޖެ
މޫސުން ގޯސްވެ، އޮރެންޖް އެލާރޓް
މޫސުން ގޯސްވެ، އޮރެންޖު އެލަރޓް ނެރެފި
ވިލާގަނޑުގައި 55 މޭލަށް ވައިގަދަވާނެ
ސިމާހާ ނަސީމް, ރާއްޖެ އެމްވީ | 26 ސެޕްޓެމްބަރު 2021 | އާދީއްތަ 06:22
މޫސުން
މޫސުން ގޯސްވެ، ކަނޑުގަދަވާނެ ކަމަށް ލަފާކޮށް، ނ. އަތޮޅުން ފެށިގެން ދ. އަތޮޅަށް އޮރެންޖު ސަމާލު ނެރެފިއެވެ.
މެޓް އޮފީހުން ލަފާކުރާ ގޮތުގައި މި ސަރަހައްދަށް ބޯކޮށް ވާރޭވެހި، ކަނޑުގަދަވެ، ގަޑިއަކު 34 މޭލާއި 40 މޭލާ ދެމެދު ވައިޖެހޭނެކަމަށާއި، ވިލާގަނޑުގައި ގަޑިއަކު 55 މޭލަށް ވައި ގަދަވާނެ ކަމަށެވެ. އަދި ކަނޑު ގަދަވުމާއެކު ބައެއް ރަށްރަށަށް އުދަ އަރާފާނެ ކަމަށް ވެސް އެ އިދާރާއިން ވަނީ ބުނެފައިއެވެ.
އަދި ހުރިހާ ފަރާތްތަކުން ވެސް އަދި ހާއްސަކޮށް ކަނޑު ދަތުރުކުރާ ފަރާތްތަކަށް މޫސުމަށް ސަމާލުވުމަށް އެ އިދާރާއިންވަނީ އިލްތިމާސްކޮށްފައެވެ.
