މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)ގެ އާއްމު ބަހުގެ ޚިދުމަތް ބޭނުންކުރާ ކަސްޓަމަރުންނަށް ލުއިފަސޭހަ ކުރުމުގެ ގޮތުން ކަރުދާސް ޓިކެޓްގެ ބަދަލުގައި ދަތުރު ކާޑު ބޭނުން ކުރެވޭ ގޮތަށް ހަމަޖައްސައިފިއެވެ.
އެމްޓީސީސީން ބުނީ އާންމު ބަހުގެ ޚިދުމަތް ބޭނުންކުރާ ކަސްޓަމަރުންގެ ލުއިފަސޭކަމަށް ބައެއް ބަސް ރޫޓުތަކުގައި މިމަހުގެ 24ވާ ހުކުރު ދުވަހުން ފެށިގެން ކަރުދާސް ޓިކެޓްގެ ބަދަލުގައި ދަތުރު ކާޑު ބޭނުން ކުރާ ގޮތަށް ހަމަޖައްސާފައިވާ ކަމަށެވެ. މިގޮތަށް ހަމަޖައްސައިދިނުމަށް ގިނަ ބަޔަކު އެދިފައިވާކަން ފާހަގަކޮށް އެމްޓީސީސީން ބުނީ އަބަދުވެސް މަސައްކަތް ކުރަނީ ރައްޔިތުންނަށް ފައިދާވާ ގޮތަށް ރައްޔިތުން އެދޭފަދަ ޚިދުމަތެއް ފޯރުކޮށްދިނުމަށް ކަމަށެވެ. އަދި މި ނިންމުމާއެކު ރައްޔިތުންނަށް ވަރަށް ބޮޑު ފަސޭހައެއް ލިިބިގެންދާނެ ކަމަށް އެމްޓީސީސީން ބުނެއެވެ.
ބަދަލު ގެނެސްފައިވަނީ ހުޅުމާލެ ނެއިބަރހުޑް ބަސް ރޫޓު އަދި ހުޅުމާލެ/ވޭލާނާ އިންޓަރނޭޝަނަލް އެއަރޕޯޓު ބަސް ރޫޓެވެ.
އެމްޓީސީސީން ބުނީ ދަތުރު ކާޑު ގާތުމާއި ޓޮޕްއަޕް ކުރުމުގެ ޚިދުމަތް އެމްޓީސީސީގެ ހުރިހާ ގިމަތަ ތަކުންނާ ފަހި ޕްލާޒާ (ދަތުރުކާޑު އޭޖެންޓް) މެދުވެރިކޮށް ލިބޭނެ ކަމަށެވެ.
