ރަސްފަންނު ސަރަހައްދުގެ މޫދަށް ތެޔޮ އެޅުނު ސަބަބެއް ނޭނގޭ: އެމްއެންޑީއެފް
ރަސްފަންނު ސަރަހައްދުގެ މޫދަށް ތެޔޮ އެޅުނީ ބުރާސްފަތި ދުވަހުގެ އިރުއޮއްސުނު ވަގުތު
ރަސްފަންނު ސަރަހައްދުގައި އެމްއެންޑީއެފުން ހަރަކާތްތެރިވަނީ
ރަސްފަންނު ސަރަހައްދުގެ މޫދަށް ތެޔޮ ޖަމާވަމުން ދިޔައީ ވަކި ކޮންކަމެއް ވެގެންކަމެއް ދެނެގަނެވިފައިނުވާ ކަމަށް އެމްއެންޑީއެފުން ބުނެފިއެވެ.
ރަސްފަންނު ސަރަހައްދުގެ މޫދަށް ތެޔޮ ޖަމާވީ ބުރާސްފަތި ދުވަހުގެ އިރުއޮއްސުނު ވަގުތުގައެވެ. އެކަމާއި ގުޅިގެން އެސަރަހައްދު ވަނީ ބަންދުކޮށްފައެވެ. އަދި ތެޔޮ ނެގުމުގެ މަސައްކަތް އެމްއެންޑީއެފުން އަންނަނީ ކުރަމުންނެވެ. އެމްއެންޑީއެފުން ބުނީ ތެޔޮ ޖަމާވީ ކީއްވެކަމެއް ނޭންގޭކަމަށާއި އެކަންވީ ވަކި މިވެނި ކަމެއް ވެގެންކަމެއް އެމްއެންޑީއެފުން އަދި ނުނިންމާކަމަށެވެ.
ކަނޑުގެ އޮޔާއި ވައި ހުންނަގޮތުން ވަރަށް ގިނަ ފަހަރު ފަޅުތެރެއަށް ތެލާ ކުނި އެތެރެވާ ކަމަށް އެމްއެންޑީއެފުން ބުނެއެވެ.
