މުލިއާގެ ކައިރީގައި މާރާމާރީއެއް ހިނގައިފި
17 ސެޕްޓެމްބަރު 2021 | ހުކުރު 16:49މާރާމާރީގައި އަނިޔާވި މީހާއަށް ގެންދަނީ ފަރުވާ ދެމުން
މުލިއާގެ ކުރިމަތީގައި ހިނގި މާރާމާރީގައި އަނިޔާވި މީހާ
މުލިއާގެ ކައިރީގައި ހިނގި މާރާމާރީގެ ތަހުގީގު ފުލުހުން ފަށައިފިއެވެ.
ފުލުހުން ބުނީ މުލިއާގެ ކައިރީގައި މަރާމާރީއެއް ހިނގި ކަމުގެ މައުލޫމާތު ފުލުހުންނަށް ލިބުނީ ހުކުރު ދުވަހުގެރޭ 19:59 އެހާއިރު ކަމަށެވެ.
މި މާރާމާރީގައި ފިރިހެނަކަށް އަނިޔާވެފައިވާކަމަށް ފުލުހުން ވަނީ ބުނެފައެވެ. އެމީހާއަށް އައިޖީއެމްއެޗުގައި ފަރުވާދެމުންދާކަމަށް ބުނެފައިވެއެވެ. އެހެންނަމަވެސް މާރާމާރީ ހިނގަން މެދުވެރިވި ސަބަބު ހާމަކޮށްފައެއް ނުވެއެވެ.
މި މާރާމާރީއާ ގުޅިގެން އިތުރަށް ބަލަންޖެހޭ ކަންކަން ފުލުހުން ގެންދަނީ ބަލަމުންނެވެ.
ބުރާސްފަތި ދުވަހުގެރޭވެސް މާލޭގައި ދެމީހެއްގެ ދެމެދުގައި މާރާމާރީއެއް ހިންގާފައިވެއެވެ. މި މާރާމާރީއާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައެއް ނުވެއެވެ. އަދި އެއްވެސް މީހަކަށް ބޮޑު އަނިޔާއެއްވެސް ނުވެއެވެ. ސޯޝަލް މީޑިއާގައި އާންމުވެފައިވާ ވީޑިއޯތަކުން، އެ ސަރަހައްދުގައި ޕާކުކޮށްފައިހުރި ސައިކަލެއް އެހެން ސައިކަލެއްގެ މައްޗަށް ވެއްޓި އެ ސައިކަލަށް އެކި ވަރުގެ ގެއްލުންވާ މަންޒަރު ފެނެއެވެ.
