ކުޑަކުއްޖަކަށް ޖިންސީ ގޯނާ ކުރި މައްސަލައެއް ބަލަނީ
17 ސެޕްޓެމްބަރު 2021 | ހުކުރު 14:18ޖިންސީ ގޯނާގެ ޝިކާރައަކަށް ވެފައިވަނީ 14 އަހަރުގެ އަންހެން ކުއްޖެއް
މޯލްޑިވްސް ޕޮލިސް ސާވިސްގެ ހެޑް ކުއާޓާރ، ޝަހީދު ހުސެއިން އާދަމް ބިލްޑިންގ
އަތޮޅުތެރޭގެ ރަށެއްގައި ކުޑަ ކުއްޖަކަށް ޖިންސީ ގޯނާ ކުރި މައްސަލައެއް ފުލުހުން ތަހުގީގުކުރަން ފަށައިފިއެވެ.
ފުލުހުން ބުނީ ފުލުހުންގެ އަޕަރ ސައުތު ޑިވިޝަން، ގއ. އަދި ގދ ހިމެނޭ ސަރަހައްދުގައި 14 އަހަރުގެ އަންހެން ކުއްޖަކަށް ޖިންސީ ގޯނާ ކުރި ކަމުގެ މައްސަލައެއް މިމަހުގެ 12 ވަނަ ދުވަހު ފުލުހުންނަށް ހުށަހަޅާފައިވާ ކަމަށެވެ.
މި މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައިނުވާކަމަށް ފުލުހުން ބުނެފައިވެއެވެ. މި މައްސަލަ ފުލުހުންނާއި ޖެންޑަރ މިނިސްޓްރީން ގުޅިގެން ގެންދަނީ ތަހުގީގުކުރަމުންނެވެ.
މި ފަހަކުންވެސް 16 އަހަރުގެ އަންހެން ކުއްޖަކަށް ޖިންސީ ގޯނާ ކުރި ކަމުގެ މައްސަލައެއް ފެންމަތިވެ، 34 އަހަރުގެ ފިރިހެނަކު ވަނީ ހައްޔަރުކޮށްފައެެވެ. މި މައްސަލައިގައި ހައްޔަރުކޮށްފައިވަނީ ފުލުހެކެވެ.
