ރައްޔިތުންގެ މަޖިލިސްކުރާގޭގެ ސެކިއުރިޓީ އެސެސްމަންޓް އަލުން ހަދައި ރިޕޯޓް މަޖިލީހުގެ އިދާރާއަށް ފޮނުވައިފި
ރިޕޯޓުގައި ރަނގަޅުކުރަންޖެހޭ ކަންކަން ފާހަގަ ކޮށްފައިވޭ
ރައްޔިތުންގެ މަޖިލިސް ކުރާގެ
ރައްޔިތުންގެ މަޖިލިސްކުރާގޭގެ ސެކިއުރިޓީ އެސެސްމަންޓް އަލުން ރިވިއުކޮށް، ރަނގަޅުކުރަން ހުރި ކަންކަން ފާހަގަކޮށް އެކުލަވައިލައިފައިވާ ރިޕޯޓް އެމްއެންޑީއެފް އިން ރައްޔިތުންގެ މަޖިލީހުގެ އިދާރާއަށް ފޮނުވައިފިއެވެ. މައުލޫމާތު ލިބިފައިވާ ގޮތުގައި މަޖިލިސްކުރާގޭގެ ސެކިއުރިޓީ އެސެސްމަންޓް އަލުން ރިވިއުކުރުމުގެ މަސައްކަތް އެމްއެންޑީއެފް އިން ކޮށްފައިވަނީ މީގެ 10 ވަރަކަށް ދުވަސް ކުރިންނެވެ.
ރައްޔިތުންގެ މަޖިލީހުގެ ރައީސް ، ރައީސް މުހައްމަދު ނަޝީދަށް އަމާޒުކޮށް މިއަހަރުގެ މޭމަހުގެ 6 ވަނަ ދުވަހު ދިން ޓެރަރިސްޓް ހަމަލާގައި އެމަނިކުފާނަށް ލިބިވަޑައިގެންނެވި އަނިޔާތަކަށް ފަރުވާ ހޯއްދެވުމަށް އަދި ވެސް ހުންނެވީ ގައުމުން ބޭރުގައެވެ. އެހަމަލާއަށް ފަހު ރައްޔިތުންގެ މަޖިލީހުގެ ނައިބު ރައީސް އީވާ އަބުދުﷲ އާ މަޖިލީހުގެ ބައެއް މެމްބަރުން ދިރިއުޅުއްވި ގެކޮޅުތަކުގެ ސެކިއުރިޓީ ވަރުގަދަ ކުރިއެވެ. އަދި ރައީސް ނަޝީދު ދިރިއުޅުއްވި އާއިލީގެކޮޅު ގ. ކެނެރީގޭ ސެކިއުރިޓީ ވަރުގަދަ ކުރެވުނެވެ.
ސަރުކާރުން ބުނެފައިވަނީ ޓެރަރިޒަމްގެ އަމަލުތަކަށް ހިތްވަރު ދިނުމަށް ޝުއޫރުފާޅުކުރާ ފަރާތްތަކާ އެފަދަ ކަންކަން ކުރުމަށް މަސައްކަތް ކުރާ ފަރާތަކާމެދު ފިޔަވަޅުއަޅާނެ ކަމަށެވެ.
