500 މިލިއަން ޑޮލަރުގެ ސުކޫކު ވިއްކައިފި

މި އަހަރު ސަރުކާރުން 500 މިލިއަން ރުފިޔާގެ ސުކޫކު ރާއްޖެއިން ބޭރަށް ވިއްކާފައިވާކަމަށް ފިނޭންސް މިނިސްޓްރީން ބުނެފިއެވެ.

ފިނޭންސް މިނިސްޓްރީން ބުނީ ސެޕްޓެމްބަރު ދެ ވަނަ ދުވަހު، ދިވެހި ސަރުކާރުން ކުރިން 300 މިލިއަން ޑޮލަރަށް ވިއްކި ސުކޫކު އަލުން ހުޅުވައި އިތުރު 200 މިލިއަން ޑޮލަރަށް ސުކޫކު ވިއްކާފައިވާކަމަށެވެ. އަދި މިއާއެކު ދައުލަތުން މި އަހަރު ވިއްކި ސުކޫކުގެ އަގު 500 މިލިއަން ޑޮލަރަށް އަރާފައިވާކަމަށް މިނިސްޓްރީން ބުނެއެވެ.

މިއަހަރު ސަރުކާރުން 10.5 އިންސައްތައިގެ އިންޓެރެސްޓެއްގައި ސުކޫކު ވިއްކާފައިވާއިރު، މީގެ ސަބަބުން ސުކޫކު ގަންނަ ފަރާތަކަށް 10 ގުނަ އިތުރަށް ފައިދާ ލިބޭނެއެވެ. އަދި މި ސުކޫކު އަނބުރާ ދައްކަން ޖެހޭނީ 2026 ވަނަ އަހަރުއެވެ.

ސަރުކާރުން ސުކޫކުގެ މުއާމަލާތު ކުރިއަށް ގެންދަނީ ކްރެޑިޓް ސުއިޒް އާއި އެމިރޭޓްސް އެންބީޑީ ކެޕިޓަލް އަދި އެސްއެސްބީސީގެ އިތުރުން އިސްލާމިކް ކޯޕަރޭޝަން ފޯ ދަ ޑިވެލޮޕްމެންޓް އޮފް ޕްރައިވެޓް ސެކްޓާ (އައިސީޑީ) މެދުވެރިކޮށެވެ.

ސަރުކާރުން ސުކޫކު ވިއްކާފައިވަނީ 100 އިންސައްތަ ސަރުކާރު ހިއްސާވާ ސްޕެޝަލް ޕާފޮސް ވެސެލް (އެސްޕީވީ) ގެ ގޮތުގައި ދަރުމަވަންތަ ހޮސްޕިޓަލު ބަދަލުކޮށްގެންނެވެ. އަދި މީގެ ކުރިންވެސް ސަރުކާރުން ވަނީ ސުކޫކުތަކުގައި ރާއްޖޭގެ އެހެން ބައެއް އިމާރާތްތައް ވެސް ސްޕެޝަލް ޕާފޮސް ވެސެލް (އެސްޕީވީ) ގެ ގޮތުގައި ބޭނުންކޮށްފައެވެ. މިއީ ސުކޫކު ވިއްކުމުގައި ކުރަން ޖެހޭ ކަމެކެވެ.

ސުކޫކު ވިއްކުމަށް ދިވެހި ސަރުކާރުން ވަނީ މޯލްޑިވްސް ސުކޫކް އިޝުއަންސް ލިމިޓެޑް ގެ ނަމުގައި ކުންފުންޏެއް އުފައްދައި ސްޕެޝަލް ޕާޕޯސް ވެހިކަލް (އެސްވީޕީ) ގެ ގޮތުގައި މިކޭމަން އައިލޭންޑުގައި ރެޖިސްޓަރ ކޮށްފައެވެ. މިފަދަ ކުންފުންޏެއް އުފެއްދުމުގެ ބޭނުމަކީ ސުކޫކު އިޝޫކުރަން ބައިނަލް އަގުވާމީ ހަމަތަކުގެ މަތިން ގާނޫނީ ހައިސިއްޔަތު ހޯދުމެވެ.