އެމެނިކުފާނާއި ގުޅުވައިގެން ދެކެވޭ ވާހަކަތަކަކީ އެއްވެސް އަސްލެއް ނެތް ހަގީގަތްތަކެއްކަން ކަށަވަރުކޮށްދިނުމަށް މާތްﷲ ގަންދީ 7 ފަހަރު ހުވާކުރަން ތައްޔާރަށް ހުންނެވިކަމަށް ރައީސުލްޖުމްހޫރިއްޔާގެ އޮފީހުގެ ޗީފް އޮފް ސްޓާފް އަލީ ޒާހިރު ވިދާޅުވެއްޖެއެވެ.
ފަޑިޔާރުންތަކެއް މާތްﷲ ގަންދީ ހުވާކުރެއްވުމަށްފަހު އަލީ ޒާހިރަށް ނިސްބަތްކުރައްވާ ތުހުމަތުތަކެއް ކުރައްވާފައިވާތީ، އެހުރިހާ ތުހުމަތުތަކަކީ އަސްލެއްނެތް ތުހުމަތުތަކެއްކަން މާތްﷲ ގަންދީ ހުވާކުރައްވައި ވިދާޅުވާން ކެރިވަޑައިގްނަވާނެތޯ ނޫސްވެރިޔަކު ސުވާލުކުރެއްވުމުން އަލީ ޒާހިރު ވަނީ ހުވާ ކުރައްވަން ތައްޔާރު ކަމަށާއި، ހަތް ފަހަރު ހުވާކުރައްވަން ތައްޔާރުކަމަށް ވިދާޅުވެފައެވެ. ހުވާކުރައްވާ ހިއްސާބަށް ވަޑައިގެންނެވޭނީ މިބާވަތުގެ ކަންކަމުގައި އޮންނަ އުސޫލޫތައް ދަމަހައްޓައިގެން ކަމަށާއި އެކުރާ ތުހުމަތުތަކުގެ ހެކި ދެއްކުމުން އެކަންތައް ދޮގުކޮށް ހުވާކުރައްވާނެ ކަމަށް އަލީ ޒާހިރު ވިދާޅިވިއެވެ.
އެފަދަ އެއްވެސް އޯޑިއޯއެއް ނުހުންނާނެ ކަމަށާއި ނެތް އޯޑިއޯއެއް ލީކެއްވެސް ނުވާނެ ކަމަށް ވަނީ ވިދާޅުވެފައެވެ. ނަމަވެސް އެފަދަ އޯޑިއޯއެއް ލީކުވެއްޖެ ނަމަ މިހާރު ހުންނެވި މަގާމުން އިސްތިއުފާދެއްވާނެ ކަމަށްވެސް އަލީ ޒާހިރު ވަނީ ވިދާޅުވެފައެވެ. މިފަދަ ތުހުމަތައް ކުރެވިގެން މިދަނީ ސިޔާސީ ބޭނުމެއްގައި ކަމަށާއި، ނިސްބަތްކޮށް މިފަދަ ވާހަކަތަކެއް ދެކެވެންވީ ހަގީގީ ސަބަބު އެގިވަޑައިނުގަންނަވާ ކަމަށް އަލީ ޒާހިރު ވަނީ ވިދާޅުވެފައެވެ. އަދި މިފަދަ ތުހުމަތުތައްކޮށް، އެއްވެސް ހެއްކެއް ނެތި ކުރަމުންގެންދަނީ އެ ތުހުމަތުތައް ކުރާ ފަރާތްތަކުން "ފިނޑި" ވީމަކަށްވެސް ވަނީ ވިދާޅުވެފައެވެ.
އޭގެ އިތުރުން ރައީސުލްޖުމްހޫރިއްޔާގެ އޮފީހުން މިނިވަންމުއައްސަސާތަކާއި ތަހުގީގީ އިދާރާތަކުން ކުރާ މަސައްކަތްތަކަށް ނުފޫޒޫ ނުފޯރުވާނެ ކަމަށާއި އެބޭފުޅާއަށް އަމާޒުކޮށް ކުރެވޭ ތުހުމަތުތަކާއި ގުޅިގެން މުއައްސަސާއަކުން ކުރިއަށްގެންދާ ތަހުގީގަކަށް މަގާމުގެ ބޭނުންކޮށް ނުފޫޒު ފޯރުވައި ނަހަދާނެކަމަށްވެސް ވަނީ ވިދާޅުވެފައެވެ. އަދި އެމަނިކުފާނާއި ގުޅުގެން މިކުރެވޭ ތުހުމަތުތަކުގެ އަސްލު ކަމަގުޅުންހުރި ފަރާތްތަކަކުން ބަލައި އެކަމުގެ ތެދު ދޮގު ސާފުކުރަން އެއްބާރުލުން ދެއްވާނެ ކަމަށްވެސް ވަނީ ވިދާޅުވެފައެވެ.
