މަޑުއްވަރީ ދެކުނު ބަނދަރުގެ 83 އިންސައްތަ މަސައްކަތް ނިމިއްޖެ
ހާބާރ ޕޭވްމެންޓް ހެދުމުގެ މަސައްކަތުގެ 60 އިންސައްތަ ނިމިފައި
މަޑުއްވަރީ ބަނދަރު ތަރައްގީ ކުރުމުގެ މަސައްކަތް
ރ.މަޑުއްވަރީ ދެކުނު ބަނދަރު ތަރައްގީކުރުމުގެ މަޝްރޫއުގެ މަސައްކަތުގެ 83 އިންސައްތަ ނިމިއްޖެއެވެ.
މަޑުއްވަރީ ބަނދަރު ތަރައްޤީކުރުމުގެ މަޝްރޫއުގެ 83 އިންސައްތަ މަސައްކަތް ނިންމައިފައިވަނީ ހުކުރު ދުވަހު ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮންޕެނީ (އެމްޓީސީ)ން ބުނެއެވެ. އަދި ހާބާރ ޕޭވްމެންޓް ހެދުމުގެ މަސައްކަތުގެ 60 އިންސައްތަ ނިންމައިފައިވާކަމަށް ވެސް އެ ކުންފުނިން ބުނެއެވެ.
އެމްޓީސީސީން ބުނީ، މި މަޝްރޫއުގެ ދަށުން 7،280 ކިއުބިކް މީޓަރުގެ ސަރަޙައްދެއްގެ ނެރު ފުންކުރުމާއި، 65،520 ކިއުބިކް މީޓަރުގެ ސަރަޙައްދެއްގެ ހާބަރ ބޭސިން ފުންކުރުން ހިމެނޭ ކަމަށެވެ. އަދި 411 މީޓަރުގެ ސަރަޙައްދެއްގައި ބޭރުތޮށިލުމާއި، 566 މީޓަރުގެ ސަރަޙައްދެއްގައި އެއްގަމުތޮށި ލުންވެސް މި މަޝްރޫޢުގެ ތެރޭގައި ކުރިއަށް ދާނެ ކަމަށް އެކުންފުނިން ވަނީ ބުނެފައެވެ. އޭގެ އިތުރުން 2825 އަކަމީޓަރުގެ ސަރަޙައްދެއްގައި ޕޭވްމަންޓް ހެދުން ވެސް ހިމެނޭ ކަމަށް އެމްޓީސީސީން ވަނީ ބުނެފައެވެ.
މިނިސްޓްރީ އޮފް ނޭޝަނަލް ޕްލޭނިން، ހައުސިން އެންޑް އިންފްރާސްޓްރަކްޗަރގެ ފަރާތުން އެމްޓީސީސީއާއި ހަވާލުކޮށްގެން ކުރިއަށްގެންދާ މި މަޝްރޫއަކީ 68.66 މިލިއަން ރުފިޔާގެ މަޝްރޫއެކެވެ.
