ފުވައްމުލަކުން ފުރަން އުޅުނު ފްލައިިޓެއް ހައިޖެކް ކުރާނެ ކަަމަށް ބުނެ އިންޒާރުދިން މީހަކު ހައްޔަރުކޮށްފި
ފުވައްމުލަކުން ފުރައިގެން މާލެ އަށް ދިޔުމަށް ތައްޔާރުވި ފްލައިޓެއް
ފުވައްމުލައް ސިޓީ އެއަރޕޯޓް
ފުވައްމުލަކުން ފުރައިގެން މާލެ ދިޔުމަށް ތައްޔަރުވި ފްލައިޓެއް ހައިޖެކް ކުރާނެ ކަމަށް ބުނެ އިންޒާރު ދީފިއެވެ.
މި މަައްސަލަ ރިޕޯޓު ކޮށްފައިވަނީ، އޮގަސްޓް 30ވަނަ ދުވަހުގެރޭ 8:50 ހާއިރު ކަމަށް ފުލުހުން މައުލޫމާތު ދެއެވެ. މި މައްސަލަ އިތުރަށް ތަހުގީގު ކުރަމުން އަންނަ ކަމަށެވެ.
ފްލައިޓް ފުރަން އޮތީ 8:55ގައި ނަމަވެސް އިންޒާރު ދިނުމުން ފްލައިޓްގެ ފުރުން ވަނީ މަޑު ޖައްސާލާފައެވެ. އިންޒާރު ދިނުމުން، ފްލައިޓުން ޕަސިންޖަރުން ބޭލުމަށްފަހު، ބަލަންޖެހޭ ކަންކަން ބެލުމަށްފަހު ފްލައިޓް ފުރާފައިވަނީ، 11:30ގައެވެ.
ފްލައިޓް ހައިޖެކް ކުރާނެ ކަމަށް ބުނެ އިންޒާރު ދިނީ މުދާ ކާގޯ ކުރަން ދިޔަ މީހެއް ކަމަށް މައުލޫމާތު ލިބިފައެވެ. އެ މީހާ އިންޒާރު ދިނީ، ސެކިއުރިޓީ ބަލަހައްޓަމުން ދިޔަ މީހަކަށް ކަމަށާއި، ތަކުރާރުކޮށް ފްލައިޓް ހައިޖެކް ކުރާނެ ކަމަށް ބުނަމުން ދިޔަ ކަމަށް ވަނީ މައުލޫމާތު ލިބިފައެވެ. އެމީހާ މިހާރު ފުވައްމުލަކު ފުލުހުންގެ ބެލުމުގެ ދަށަށް ގެންގޮސްފައިވާކަމަށް ފުވައްމުލަކުން ރާއްޖެއެމްވީއާ ވާހަކަދެއްކި މީހަކުވަނީ މައުލޫމާތު ދިފައެވެ.
