މަޖިލީސް މެންބަރުންގެ ސޯޝަލްމީޑިއާ އެކައުންޓްތައް ވެރިފައިކުރަން ކޮމިޓީން ފާސްކޮށްފި
މި މައްސަލައަކީ މި އަހަރުގެ ފެބްރުއަރީ މަހުގެ ތެރޭގައި ވެސް ކޮމިޓީއަށް ހުށަހެޅުނު މައްސަލައެއް
މަޖިލީސް މެންބަރުންނާއި ސިޔާސީ ބައެއް ބޭފުޅުންގެ ނަންނަމުގައި ފޭކު އެކައުންޓް ހަދައިގެން ޓްވީޓް ކުރުމާއި ޕޯސްޓު ކުރުމަކީ ދޭތެރެދޭތެރެއިން ފެންމަތިވަމުން އަންނަ މައްސަލަތަކެއް
ރައްޔިތުންގެ މަޖިލީހުގެ މެންބަރުންގެ ސޯޝަލް މީޑިއާ އެކައުންޓުތައް ވެރިފައިކުރުމަށް ރައްޔިތުންގެ މަޖިލީހުގެ އިމްތިޔާޒު އަދި ސުލޫކު ކޮމިޓީން ފާސްކޮށްފިއެވެ.
ކޮމިޓީން މިކަން ފާސްކޮށްފައިވަނީ ރައްޔިތުންގެ މަޖިލީހުގެ މެމްބަރުންގެ ނަމުގައި ވަގު އެކައުންޓުތައް ހުޅުވާ އެ މެމްބަރުންނާ ގުޅޭގޮތުން ދޮގު ޚަބަރު ފަތުރަމުންދާ މައްސަލަ ނޮޅިވަރަމް ދާއިރާގެ މެންބަރު މުހައްމަދު ނަޝީދު އަބްދުﷲ އެ ކޮމިޓީއަށް ހުށަހެޅުއްވި މައްސަލައާ ގުޅިގެންނެވެ.
މެންބަރު ވިދާޅުވެފައިވަނީ މެންބަރުންގެ ނަމުގައި ފޭކް އެކައުންޓްތައް ހަދައިގެން ނުބައި މައުލޫމާތު ފެތުރުން ކަންބޮޑުވާ ހިސާބަށް ގޮސްފައިވާ ކަމަށެވެ. އަދި މަޖިލީހުގެ އިދާރާއިން މެންބަރުންގެ އެކައުންޓްތައް ވެރިފައިކޮށްދިނުމަކީ މުހިއްމު ކަމެއް ކަމަށެވެ.
މި މައްސަލައަކީ މި އަހަރުގެ ފެބްރުއަރީ މަހުގެ ތެރޭގައި ވެސް ކޮމިޓީއަށް ހުށަހެޅުނު މައްސަލައެކެވެ. އެފަހަރު މައްސަލަ ހުށަހެޅުއްވީ މަކުނުދޫ ދާއިރާގެ މެމްބަރު މުހައްމަދު ރާއީއެވެ.
ބައެއް މެންބަރުންގެ އެކައުންޓްތައް މިހާރުވެސް ވެރިފައިކޮށްފައިވާއިރު މަޖިލީސް މެންބަރުންނާއި ސިޔާސީ ބައެއް ބޭފުޅުންގެ ނަންނަމުގައި ފޭކު އެކައުންޓް ހަދައިގެން ޓްވީޓް ކުރުމާއި ޕޯސްޓު ކުރުމަކީ ދޭތެރެދޭތެރެއިން ފެންމަތިވަމުން އަންނަ މައްސަލަތަކެކެވެ.
