ކޮވިޑް-19 އިން ދިފާއުވުމަށް އާދީއްތަ ދުވަހު ވެކްސިންގެ ދެވަނަ ޑޯޒް ޖަހާފައިވަނީ 511 މީހުން ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނެފިއެވެ.

އެޗްޕީއޭއިން ހާމަކޮށްފައިވާ ތަފާސްހިސާބުތަކަށް ބަލާއިރު ހޮނިހިރު ދުވަހު ވެކްސިންގެ ފުރަތަމަ ޑޯޒް ޖަހާފައިވަނީ 4،629 މީހުންނެވެ. އަދި ދެވަނަ ޑޯޒް ޖަހާފައިވަނީ 511 މީހުންނެވެ. މީގެ ތެރެއިން މާލެ ސަރަހައްދުން 1،916 މީހުން ފުރަތަމަ ޑޯޒް ޖަހާފައިވާއިރު އަތޮޅުތެރެއިން ވެކްސިން ޖަހާފައިވަނީ 2,713 މީހުންނެވެ. އަދި 373 މީހުން މާލެސަރަހައްދުން ދެވަނަ ޑޯޒް ޖަހާފައިވާއިރު އަތޮޅުތެރެއިން 138 މީހުން ވަނީ ދެވަނަ ޑޯޒް ޖަހާފައެވެ.

މިއާއެކު ރާއްޖޭގައި ކޮވިޑް ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 372،777ށް އަރާފައެވެ. އަދި ދެވަނަ ޑޯޒް ޖެހި މީހުންގެ އަދަދު ވަނީ 299،588ށް އަރާފައެވެ.

ރާއްޖޭގައި ދިރިއުޅޭ އެންމެންނަށް ވެކްސިން ފުރިހަމަކުރެވޭ ވަރަށް ރާއްޖެއަށް މިހާރު ވެކްސިން ލިބިފައިވާކަމަށާއި، މި ފުރުސަތުގެ ބޭނުން އެންމެ ފުރިހަމައަށް ހިފައި، ބަލިން ރައްކާތެރިވެތިބުމަށް ވީހާވެސް އަވަހަށް ވެކްސިންގެ ދެ ޑޯޒް ފުރިހަމަކުރުން މުހިންމު ކަމަށް އެޗްޕީއޭއިން ބުނެއެވެ.