މާލޭގެ ގެއަކަށް އަންހެނަކު ވަދެ ފެން އަޅާ ވީޑިއޯއެއް އާއްމުކޮށް ބޮޑެތި ތުހުމަތުތަކެއް ކޮށްފި
އަލީ ރަމީޒު މިވީޑިއޯ އާއްމުކޮށްފައިވަނީ އާދީއްތަ ދުވަހު
އާއްމުކޮށްފައިވާ ވީޑިއޯ ސްކްރީން ޝޮޓެއް
މާލޭގެ ގެއަކަށް އަންހެނަކު ވަދެ ފެން އަޅާ ވީޑިއޯއެއް އާއްމުކޮށް ބޮޑެތި ތުހުމަތުތަކެއް ކޮށްފިއެވެ.
އިސްލާމް ދީނަށް ހޭލުންތެރިކުރުވުމުގެ އެކިއެކަންކަމުގައި އިސްވެ ހަރަކާތްތެރިވަމުން އަންނަ ޢަލީ ރަމީޒު މިވީޑިއޯ އާއްމުކޮށްފައިވަނީ އާދީއްތަ ދުވަހުގެ ވަގުތެއްގައެވެ. މިވީޑިއޯއިން ފެންނަނީ އަންހެނަކު ގެއެއްގެ އެކިތަންތަނަށް ފެން އަޅާ މަންޒަރެވެ.
މިވީޑިއޯ އާއްމުކޮށް އަލީ ރަމީޒު ބުނެފައިވަނީ، އޭނާގެ ރައްޓެއްސެއްގެ ގެއަށް އަންހެނަކު ވަގަށް ވަދެ ގޭގެ އެކިތަންތަނަށް އަޅާފައިވަނީ ސިހުރު ހަދާފައިވާ ފެން ކަމަށެވެ. އަދި ދެތިން ފަހަރެއްގެ މަތިން އެއަންހެން މީހާ އެކަން ކޮށްފައިވާ ކަމަށް ޢަލީ ރަމީޒު ބުނެފައިވެއެވެ.
ޢަލީ ރަމީޒު ބުނީ މީސްމީހުންގެ ދިރިއުޅުން ހަލާކުކުރުމަށް ސިހުރު ހަދާ މީހުން މިމުޖުތަމައުގައި އަދިވެސް ވަރަށް ގިނަ ކަމަށެވެ. އަދި މިފަދަ މީހުންގެ ނުބައިކަމުން މުޖްތަމަޢު ރައްކާތެރި ކުރުމަށް ފިޔަވަޅުއަޅަންޖެހޭ ކަމަށް އޭނާ ބުނެފައިވެއެވެ.
މިމައްސަލައާ ގުޅޭ ފުލުހުންގެ ބަހެއް ވަނީ ލިބޭ ގޮތް ނުވެފައެވެ.
