ގޭސް ސިލިންޑަރެއް ގޮވައި ދެމީހަކަށް އަނިޔާވެއްޖެ
15 އޯގަސްޓު 2021 | އާދީއްތަ 08:24މިހާދިސާގެ ރިޕޯޓު ލިބިފައިވަނީ އާދިއްތަ ދުވަހުގެ ހެނދުނު 09:41 ހާއިރު
ގޭސް ސިލިންޑަރު ގޮވި ގުދަނުގެ އެތެރެ،
މާފަންނުގައި ހުންނަ ގުދަނެއްގެ ތެރޭގައި ގޭސް ސިލިންޑަރެއް ގޮވައި ދެމީހަކަށް އަނިޔާވެއްޖެއެވެ.
މި ހާދިސާގެ ރިޕޯޓު ލިބިފައިވަނީ އާދިއްތަ ދުވަހުގެ ހެނދުނު 09:41 ހާއިރުއެވެ.
މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް)އިން ބުނީ ބިސްބުރު ކައިރީގައި ހުންނަ ވަގުތީ މިސްކިތް ކުރިމަތީގައި ހުރި ގުދަނަކުން ގޭސް ސިލިންޑަރެއް ގޮވާފައިވާ ކަމަށެވެ. އެއީ ފަޔާ އެކްސްޓިންގުއިޝާ ރައްކާކުރާ ގުދަނެއް ކަަމަށާއި، ގޮވާފައިވަނީ އެފްއެމް200 ގެ ސިލިންޑަރެއް ކަމަށެވެ.
އެމްއެންޑީއެފުން ބުނީ މިހާދިސާގައި ދެމީހަކަށް އަނިޔާވެފައިވާ ކަމަށާއި، އެ ދެމީހުންނަށް ހޮސްޕިޓަލްގައި މިހާރު ފަރުވާ ދެމުންދާ ކަމަށެވެ. މި ހާދިސާގައި ދިވެއްސަކާއި ބިދޭސީއަކަށް އަނިޔާވެފައިވާއިރު، އެމީހުންނަށް ލިބުނު އަނިޔާގެ ތަފްސީލް ހާމަކޮށްފައެއް ނުވެއެވެ.
ގޭސްފުޅި ގޮވި ސަރަހައްދުގައި ފުލުހުންނާއި އެމްއެންޑީއެފްގެ ފަޔާ އެންޑް ރެސްކިއު އިން ހަރަކާތްތެރިވެފައިވެއެވެ.
