ދ. ނިޔާމަ ރިސޯޓުގައި އަލިފާނުގެ ހާދިސާއެއް ހިނގައިފިއެވެ.

އެމްއެންޑީއެފުން ބުނީ ނިޔާމަ ރިސޯޓުގައި އަލިފާނުގެ ހާދިސާއެއް ހިނގާފައިވަނީ ވޯޓރވިލާއެއްގެ ކޮޓަރިއެއްގައި ރޯވެގެން ކަމަށެވެ.

މި ހާދިސާ ހިނގި ކަމުގެ މައުލޫމާތު އެމްއެންޑީއެފަށް ލިބިފައިވަނީ ހޮނިހިރު ދުވަހުގެރޭ 08:50 އެހާއިރު ކަމަށް އެމްއެންޑީއެފުން ވަނީ ބުނެފައެވެ.

ހޮނިހިރު ދުވަހުގެރޭގެ 9:20 އެހާއިރު އަލިފާންގަނޑު ވަނީ ކޮންޓްރޯލްކުރެވިފައެވެ.

މި ހާދިސާގައި އެ ކޮޓަރީގެ މަތިވަޑާންގަނޑާއެކު ބޮޑު ބައެއް އަނދައިގެން ގޮސްފައިވާކަމަށް އެމްއެންޑީއެފުން ބުނެފައިވެއެވެ.

މި ހާދިސާ ހިނގަން މެދުވެރިވި ސަބަބު ދެނެގަނެވިފައިވާކަމެއް އެމްއެންޑީއެފުން އަދި ހާމަކޮށްފައެއް ނުވެއެވެ.

މަައުލޫމާތު ލިބޭގޮތުގައި އަލިފާނުގެ ހާދިސާ ހިނގާފައިވަނީ 5 ކޮޓަރީގެ ވޯޓަރ ވިލާއެއްގެ ތެރެއިން ކޮޓަރިއެއްގައެވެ. މިތަނުން އިތުރު ކޮޓަރިއަކަށް އެއްވެސް ގެއްލުމެއް ލިބިފައިނުވާކަމަށް އެމްއެންޑީއެފުން ބުނެފައިވެއެވެ.