ރިޒް ކާލްޓަން ރިސޯޓްގެ ވޯޓާ ވިލާއެއްގައި އަލިފާނުގެ ހާދިސާއެއް ހިނގައިފިއެވެ.
މިކަން ކަށަވަރުކޮށްދީ މޯލްޑިވިއަން ނެޝަނަލް ޑިފެންސް ފޯސް، އެމްއެންޑީއުން ބުނީ ކ. އަތޮޅު ގަމަރުގިރި ކައިރީގައި އޮންނަ ރިޒް ކާލްޓަން ރިސޯޓް އެންޑް ސްޕާގައި އަލިފާނުގެ ހާދިސާއެއް ހިނގައިގެން އުޅޭކަމަށެވެ. އެގޮތުން އަލިފާނުގެ ހާދިސާ ހިނގާފައިވަނީ އެ ރިސޯޓުގެ ވޯޓާ ވިލާއެއްގައިކަމަށް ވަނީ ބުނެފައެވެ. މިކަމުގެ މައުލޫމާތު ފަޔަރ އެންޑް ރެސްކިއު ސަރވިސްއަށް ލިބިފައިވަނީ މެންދުރު 12:29 އެހާ އިރުކަމަށް އެމްއެންޑީއެފުން ބުނެއެވެ. އެމްއެންޑީއެފް ފަޔަރ އެންޑް ރެސްކިއު ސަރވިސްއަށް މައުލޫމާތު ލިބުމާއެކު ޓީމް އެލާޓަށް ގެނެސް، މި ޓީމު މިހާރު ދަނީ ރިސޯޓަށް ދަތުރުކުރަމުންނެވެ.
ރިސޯޓުން އެންމެ ފަހުން މައުލޫމާތު ދިންގޮތުގައި މިހާރު އަލިފާންގަނޑު ކޮންޓްރޯލްކުރެވިއްޖެއެވެ. މިކަމުގެ އިތުރު ތަފްސީލު ހާމަކުރެވޭނީ ފަޔަރ އެންޑް ރެސްކިއު ސަރވިސް ޓީމު ރިސޯޓަށް ގޮސް ސީން ބެލުމުންކަމަށް އެމްއެންޑީފުން ބުނެއެވެ. މިހާތަނަށް އައިރު އަލިފާނުގެ ހާދިސާ ހިނގަން މެދުވެރިވި ސަބަބު ސާފުވެފައެއް ނުވެއެވެ.
