އޭޑީކޭ ކައިރީގައި ހުރި ގެއެއްގައި އަލިފާނުގެ ހާދިސާއެއް ހިނގައިފި
24 ޖުލައި 2021 | ހޮނިހިރު 12:24މި ހާދިސާގައި އެއްވެސް މީހަކަށް އަނިޔާވެފައެއް ނުވޭ
އެމްއެންޑީއެފުން އަލިފާންގަނޑެއް ނިއްވަނީ
އޭޑީކޭ ކައިރީގައި ހުރި ގެއެއްގައި އަލިފާނުގެ ހާދިސާއެއް ހިނގުމާއެކު އެމްއެންޑީއެފްގެ ފަޔަރ ޓީމުން ހަރަކާތްތެރިވާން ފަށައިފިއެވެ.
އެމްއެންޑީއެފުން ބުނީ މި ހާދިސާ ހިނގާފައިވަނީ ގޭސް ފުޅިން ގޭސް ލީކުވެފައި ހުއްޓާ އުނދުން ރޯކުރަން އުޅުމުން ކަމަށެވެ.
މި އަލިފާންގަނޑު ނިއްވާލާފައިވާ ކަމަށާއި، މި ހާދިސާގައި އެއްވެސް މީހަކަށް އަނިޔާއެއް ލިބިފައިނުވާކަމަށް އެމްއެންޑީއެފުން ބުނެފައިވެއެވެ.
މި މި ހާދިސާ ހިނގި ގޮތް އިތުރަށް ބަލަމުންދާކަމަށް އެ އިދާރާއިން ވަނީ ބުނެފައެވެ.
މި ހާދިސާގެ އިތުރުން، ޝީޝާ ޝޯރޫމްގައި އަލިފާނުގެ ހާދިސާއެއް ހިނގުމާ ގުޅިގެން އެމްއެންޑީއެފް ފަޔަރ އެންޑް ރެސްކިއު ސަރވިސްއިން ހަރަކާތްތެރިވެފައިވެއެވެ.
މި ހާދިސާފައި އަލިފާން ރޯވެފައިވަނީ ޝޯރޫމްގެ ކަރަންޓު ބޯޑުގައި ކަމަށާއި، ރޯވި އަލިފާންގަނޑު ޝޯރޫމްގެ މުވައްޒަފުން ނިއްވާލާފައިވާ ކަަމަށް އެމްއެންޑީއެފުން ވަނީ ބުނެފައެވެ.
މި ހާދިސާގައިވެސް އެއްވެސް މީހަކަށް އަނިޔާވެފައި ނުވާކަމަށް އެމްއެންޑީއެފުން ބުނެފައިވެއެވެ.
