ޖެފް ބޭޒަސް ޖައްވަށް ކުރި ދަތުރުގައި ދުނިޔޭގެ ރީތިކަން ފެނި ހައިރާން ވެއްޖެ
21 ޖުލައި 2021 | ބުދަ 10:54ޖައްވުން ދުނިޔެ ބަލާލުމުން އެކުރެވޭ އިހުސަާސް ތަފާތު
ޖެފް ބޭޒަސްއާއެކު ޖައްވަށް ދަތުރުކުރި މީހުން
ދުނިޔޭގެ އެންމެ މުއްސަނދި މީހާ، އެމޭޒަންގެ ފައުންޑަރ ޖެފް ބޭޒަސް ޖައްވަށް ކުރި ދަތުރުގައި ދުނިޔޭގެ ރީތިކަން ފެނި ހައިރާން ވެއްޖެއެވެ.
ޖައްވަށް ކުރި ފުރަތަމަ ދަތުރަށްފަހު ނޫސްވެރިންނާ ވާހަކަދައްކަމުން ބޭޒަސް ބުނީ، ޖައްވުން ދުނިޔެ ބަލާލުމުން ވިސްނުމަށް ހީނުކުރެވޭ ބަދަލެއް ގެނުވި ކަމަށެވެ. ދުނިޔޭގެ ރީތިކަން ފެނި ހައިރާންވި ކަމަށާއި، އަމިއްލައަށް މިކަން ތަޖުރިބާކުރެވުމުން، ކުރިން ޖައްވަށްދާ އެސްޓްރޮނަޓުން ދައްކާ ވާހަކަ ގަބޫލުކުރެވުނު ކަމަށެވެ.
އޭނާ ބުނީ ބިމުގައި ހުންނައިރު، އެޓްމޮސްފިއަރ ފެންނަ ގޮތް ވަރަށްބޮޑު ނަމަވެސް ޖައްވަށް ދެވުމުން އެޓްމޮސްފިއަރ ފެންނަނީ ވަރަށް ތުނި ފަށަލައެއްގެ ގޮތުގައި ކަމަށެވެ.
ޖައްވުން ދުނިޔެ ބަލާލުމުން އެކުރެވޭ އިހުސާސް ތަފާތުކަމަށް އޭނާ ބުންޏެވެ. އެއީ އޭނާގެ ހަޔާތުގައި އައި އެންމެ އުފާވެރި ދުވަސް ކަމުގައި ބޭޒަސް ބުންޏެވެ.
ބާޒަސްގެ ބްލޫ އޮރިޖިން ކުންފުނިން ވަނީ ހަތަރު މީހުން ޖައްވުގައި ގްރެވިޓީ ނުވަތަ ބިމަށް ދަމާ ބާރު ނެތް ހިސާބަށް ގޮސް، އެކަން ތަޖުރިބާ ކުރަމުން ދިޔަ މަންޒަރު ފެންނަ ވީޑިއޯއެއް އާއްމުކޮށްފަ އެވެ. ބޭޒަސް ޖައްވަށް ކުރި ދަތުރުގައި 82 އަހަރުގެ ވަލީ ފަންކްވެސްބައިވެރިވިއެވެ. އޭނާއަކީ ޖައްވަށް ދަތުރުކުރި އެންްމެ އުމުރުން ދުވަސްވީ މީހާއެވެ. އަދި މިހާތަނަށް ޖައްވަށް ދަތުރު ކުރި އެންމެ ހަގު މިހާގެ ގޮތުގައި އުމުރުން 18 އަހަރުގެ އޮލިވާރ ވެސް ބައިވެރިވިއެވެ.
