މާލޭގެ ބައެއް ސަރަހައްދުތަކުން ފެނުގެ ޚިދުމަތް ކެނޑޭނެ- އެމްޑަބްލިއުއެސްސީ
އާދީއްތަ ދުވަހުގެ ރޭ 23:00ން 06:00ށް ފެނުގެ ޚިދުމަތް ކެނޑިގެން ދާނެ
މާލޭ ވޯޓަރ އެންޑް ސްވަރޭޖް ކޮމްޕެނީ ޕްރައިވެޓް ލިމިޓެޑް (އެމްޑަބްލިޔުއެސްސީ)
އާދީއްތަ ދުވަހުގެ ރޭ މާލޭގެ ބައެއް ސަރަހައްދުތަކުން ފެނުގެ ޚިދުމަތް ކެނޑޭނެކަމަށް މާލޭ ވޯޓަރ އެންޑް ސްވަރޭޖް ކޮމްޕެނީ ޕްރައިވެޓް ލިމިޓެޑް (އެމްޑަބްލިޔުއެސްސީ)ން ބުނެފިއެވެ.
އެ ކުންފުނިން ބުނީ މާލެ ސިޓީ ކައުންސިލްގެ "ސްޓްރީޓް ސްކޭޕިންގ ޕްރޮޖެކްޓް" ގެ ދަށުން މިހާރު މަސައްކަތްކުރަމުންދާ ފުލޫނިޔާ މަގުގައި ކުރިން އަޅާފައިވާ ފެން ހޮޅި މިހާރު އަލަށް އަޅާފައިވާ ފެން ހޮޅިއާ ގުޅާލުމުގެ މަސައްކަތް ކުރުމަށްޓަކައި، 04 ޖުލައި 2021ވާ އާދީއްތަ ދުވަހުގެ ރޭ 23:00ން 06:00ށް ފެނުގެ ޚިދުމަތް ކެނޑިގެން ދާނެ ކަމަށެވެ.
މިވަގުތުގައި ފެނުގެ ޚިދުމަތް ކެނޑޭނީ ޢިއްޒުދީން މަގާ ހަނދުވަރީ ހިނގުމާ ދެމެދުން، ފުލޫނިޔާ މަގުގައި ހިމެނޭ ހުރިހާ ގޭބިސީތަކުން ކަމަށް އެ ކުންފުނިން ބުނެއެވެ. މިކަމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް ކުންފުނިން ވަނީ މައާފަށް އެދިފައެވެ.
