ފިލިޕީންސްގެ އަސްކަރީ މަތިންދާ ބޯޓެއް ވެއްޓިއްޖެ

ރަންވޭއަށް ޖައްސަން އުޅުމުގެ ތެރޭގައި ފިލިޕީންސްގެ އަސްކަރީ މަތިންދާ ބޯޓެއް ވެއްޓިއްޖެއެވެެ.

ބޯޓުގައި ތިބި ސފައިންގެ ތެރެއިން 40 ސިފައިން ސަލާމަށް ކުރެވިފައިވާ ކަމަށާއި، ބާކީ ތިބި މީހުން ސަލާމަތްކުރުމުގެ މަސައްކަތް ކުރަމުން އަންނަ ކަމަށް އަސްކަރިއްޔާއާ ހަވާލާދީ އަލްޖަޒީރާގައި ރިޕޯޓު ކޮށްފައިވެއެވެ. އަސްކަރިއްޔާގެ ޖެެނެރަލެއް ކަމަށްވާ ކިރިލިޓޯ ސޮބްޖެނާއާ ހަވާލާދީ ރިޕޯޓުކޮށްފައިވާ ގޮތުން ވެއްޓިފައިވަނީ، c-130 ބޯޓެވެ. ބޯޓު ވެއްޓުނީ، ވެރިކަން ކުރާ މެނީލާއާ 1000 ކިލޯ މީޓަރު ދުރުގައި އޮންނަ ޖޯލޯ އައިލެންޑަށެވެ.

ސަލާމަތްވި އެންމެން ވެސް ހޮސްޕިޓަލަށް ގެންގޮސްފައިވާ ކަމަށް ސޮބްޖެނާ ބުނެފައިވެއެވެ.

މީހުން ސަލާމަތްކުރުމަށް ކުރަމުން އަންނަ މަސަައްކަތުގެ ތެރެއިން 17 މީހެއްގެ ހަށިގަނޑު ފެނިފައިވާ ކަމަށް ޑިފެންސް ސެކްރެޓަރީ ޑެލްފިން ލޮރެންޒާނާ ނެރުނު ބަޔާނެއްގައި ވަނީ ބުނެފައެވެ. އެ ބޯޓުން 92 މީހުން ދަތުރުކުރި ކަމަށް ވެސް އެ ބަޔާނުގައި ބުނެފައިވެއެވެ.

މި ހާދިސާ އިތުރަށް ތަހުގީގުކުރަމުން އަންނަ ކަމަށް ވެސް ބަޔާނުގައި ބުނެފައިވެއެވެ.