އެމްޕީއެލްގެ މައި ބަނދަރު ޕޭމަންޓް ގޭޓްވޭ އަޕްގްރޭޑްކޮށްފި
3 ޖުލައި 2021 | ހޮނިހިރު 14:07ހުރިހާ ހިދުމަތެއް ކުރިޔަށް އޮތް މަހެއްހާ ދުވަހުގެ ތެރޭގައި ހަމައެކަނި އޮންލައިންކޮށް ފޯރުކޮށްދޭން މަސައްކަތް ކުރަމުންދާ ކަމަށް އެ ކުންފުނިން ބުނި
އެމްޕީއެލް އޮފީސް
މޯލްޑިވްސް ޕޯޓްސް ލިމިޓެޑް އެމްޕީއެލްގެ މައި ބަނދަރު ޕޯޓަލް މައި ބަނދަރު ޕޭމަންޓް ގޭޓްވޭ ފަސޭހަ ޚިދުމަތްތަކާއެކު އަޕްގްރޭޑްކޮށްފިއެވެ.
މިއީ އެމްޕީއެލްގެ ޚިދުމަތް ބޭނުންކުރައްވާ ހުރިހާ ފަރާތްތަކަށް، ޚިދުމަތް ދިނުމުގައި އިތުރު ފުރިހަމަކަމެއް ގެނައުމަށްޓަކައި ގެނެވުނު ބަދަލެއް ކަމަށް އެ ކުންފުނިން ބުންޏެވެ.
މި ބަދަލާއެކު މައި ބަނދަރު ޕޯޓަލްއިންވެސް ލިންކު ބޭނުންކޮށް ޕޯޓަލްއިން ބޭރުންވެސް ފައިސާ ދެއްކުމުގެ އިންތިޒާމާއި އަދި، މޯބައިލް ޕޭގެ ޚިދުމަތް ލިބޭނެ ގޮތްވެސް ވަނީ ހަމަޖައްސާފައެވެ. މި ބަދަލާއެކު ހުރިހާ ކުންފުނިތަކާއި އަމިއްލަ ފަރާތްތަކާއި އަދި ޝިޕިންގ އޭޖެންޓުންނަށްވެސް ފަސޭހަކޮށް އެމްޕީއެލްއަށް ދައްކަންޖެހޭ ފައިސާގެ މުއާމަލާތްތައް އޮންލައިންކޮށް ދެއްކޭނެއެވެ.
ޚިދުމަތަށް އައި ބަދަލުތައް:
ކޮވިޑްގެ މިހާލަތުގައި ހުރިހާ ކަސްޓަމަރުންވެސް، އެމްޕީއެލްއަށް އައުމުގެ ބަދަލުގައި ޕޯޓަލްގައި ރަޖިސްޓްރީވެ އޮންލައިންކޮށް ޚިދުމަތްތައް ހޯދުމަށް ކުންފުނިން އިލްތިމާސް ކުރެއެވެ.
މަގުސަދަކީ މިހާރު ދެމުންދާ ހުރިހާ ޚިދުމަތެއް ކުރިޔަށް އޮތް މަހެއްހާ ދުވަހުގެ ތެރޭގައި ހަމައެކަނި އޮންލައިންކޮށް ފޯރުކޮށްދިނުން ކަމަށް އެ ކުންފުނިން ވަނީ ހާމަކޮށްފައެވެ. އަދި މިކަމާ ގުޅޭ އިތުރު ތަފްސީލްތައް ކުރިޔަށް އޮތް ދުވަސްތަކުގައި އެ ކުންފުނިން އިއުލާންކުރާނެ ކަމަށް ވެސް ބުންޏެވެ.
