މަހަށް ނިކުމެ އުޅުނު ފައިބަރު ދޯންޏެއް މެދުން ބިނދި ދެބުރިވެއްޖެ
3 ޖުލައި 2021 | ހޮނިހިރު 04:46ދޯނި ބިންދައިގެން ދިޔައިރު އޭގައި 25 ފަޅުވެރިން ތިބި
"މޯހިރި" މަސްދޯނި މެދުން ދެފަޅިވެފައި
މަސްވެރިކަމަށް ނިކުމެ އުޅުނު ފައިބަރު ދޯންޏެއްގެ މެދުން ބިންދައިގެން ގޮސް ދެބުރިވެ ފަޅުވެރިން ހާލުގައި ޖެހުމުން އެމީހުންނަށް އެހީވުމަށް އެމްއެންޑީއެފުން ހަރަކާތްތެރިވާން ފަށައިފިއެވެ.
މެދުން ބިންދައިގެން ދިޔައީ ގއ. ދެއްވަދޫގެ އުތުރުން 8.9 މޭލު ބޭރުން މަސްވެރިކަންކުރަމުން ދިޔަ "މޯހިރާ" ނަމަކަށް ކިޔާ ދޯންޏެކެވެ. ދޯނި ބިންދައިގެން ދިޔަ އިރު އޭގައި 25 ފަޅުވެރިން ތިއްބެވެ. އެމްއެންޑީއެފުން ބުނީ އެއްވެސް މީހަކަށް ޖިސްމާނީ ގެއްލުމެއް ނުލިބޭ ކަމަށެވެ.
މަޢުލޫމާތުލިބިފައިވާ ގޮތުގައި ދޯނި ބިންދައިގެން ދިޔައީ ގއ. އަތޮޅު އެތެރެވަރީގައި އެންދަމަން އުޅުމުގެ ތެރޭގައެވެ. އެ ދޯންޏަކީ އައްޑޫސިޓީއަށް ނިސްބަތްވާ މަސްދޯންޏެކެވެ.
އެ ހާދިސާގެ ރިޕޯޓު ލިބިފައިވަނީ ހެނދުނު 7:11 ހާއިރު ކަމަށް ވެސް ބުނެފައިވެއެވެ. މިހާރު އެ ސަރަޙައްދުގައި ކޯސްޓްގާޑް ހަރަކާތްތެރިވަމުން އަންނަކަމަށް އެމްއެންޑީއެފްއިން ބުނެއެވެ.
