ކޮވިޑް ޖެހިގެން، ބުރާސްފަތި ދުވަހު 2ވަނަ މީހަކު ނިޔާވެއްޖެ
ނިޔާވެފައިވަނީ އުމުރުން 70 އަހަރުގެ ދިވެހި ފިރިހެނެއް
ގއ. ވިލިނގިލީ ކޮވިޑް ފެސިލިޓީއަށް ބަލި މީހަކު ގެންދަނީ
ގދ ކޮވިޑް މެނޭޖްމަންޓް ފެސިލިޓީގައި ފަރުވާ ދެމުންދިޔަ މީހަކު ނިޔާވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނީ ބުރާސްފަތި ދުވަހުގެ މެންދުރު 1:55 ގައި ނިޔާވެފައިވަނީ އުމުރުން 70 އަހަރުގެ ދިވެހި ފިރިހެނެއްކަމަށެވެ. މިއީ ބުރާސްފަތި ދުވަހު ކޮވިޑް ބަލީގައި ނިޔާވި ދެވަނަ މީހާއެވެ. އަދި ރާއްޖެއިން މިބަލީގައި ނިޔާވި 213 ވަނަ މީހާއެވެ.
ބުރާސްފަތި ދުވަހުގެ ފަތިހު 4:55 ގައި ނިޔާވެފައިވަނީ ގއ ކޮވިޑް ފެސިލިޓީގައި ފަރުވާދެމުންދިޔަ މީހެކެވެ. އެއީ 81 އަހަރުގެ ދިވެހި އަންހެނެކެވެ.
ރާއްޖޭގައި ކޮވިޑް-19ގެ ހާލަތު ގޯސްވަމުންދިޔުމަށްފަހު މިހާރު ވަނީ ހާލަތު ރަނގަޅުވެފައެވެ. އެއާއެކު ކޮވިޑުން ރައްކާތެރިވުމަށް އަޅާފައިވާ ފިޔަވަޅުތަކަށްވެސް އަންނަނީ ލުއިތައް ދެމުންނެވެ.
