ދިރާގު ފިކްސްޑް ބްރޯޑްބޭންޑް ޚިދުމަތް ކުޑަ ވަގުތުކޮޅަކަށް ކެނޑުން އެކަށީގެންވޭ

ދިރާގުން ފޯރުކޮށްދެމުން އަންނަ ފިކްސްޑް ބްރޯޑްބޭންޑް ޚިދުމަތް މިއަދު ކުޑަ ވަގުތުކޮޅަކަށް ކެނޑުން އެކަށީގެންވާ ކަމަށް އެކުންފުނިން ބުނެފިއެވެ.

ދިރާގުން ބުނީ ޖޫން 29 ވަނަ ދުވަހުގެ މެންދުރުފަހު 02:00ން ރޭގަނޑު 08:00 އާ ދެމެދު އެ ކުންފުނީގެ ފިކްސްޑް ބްރޯޑްބޭންޑް ނެޓްވޯކް ސިސްޓަމްގެ މެއިންޓެއިނަންސް މަސައްކަތެއް ކުރަން ނިންމާފައިވާކަމަށެވެ. އެހެން ކަމުން މިގަޑީގައި ކަސްޓަމަރުންނަށް ފޯރުކޮށްދެމުން އަންނަ ޚިދުމަތް 10 މިނެޓަށް މެދުކެނޑުން އެކަށީގެންވާ ކަމަށް ދިރާގުން ބުނެއެވެ.

ދިރާގުން ވަނީ މިކަމުގެ ސަބަބުން ކަސްޓަމުރުންނަށް ދިމާވެދާނެ ދަތިތަކަށް މައާފަށް އެދޭކަމަށް ބުނެފައެވެ.

ދިރާގު ފައިބަރ ބްރޯޑްބޭންޑް ޚިދުމަތަކީ ރާއްޖޭގައި މިހާރު ފޯރުކޮށްދެމުން އަންނަ އިންޓަނެޓްގެ ޚިދުމަތްތަކުގެ ތެރެއިން އެންމެ ހަލުވި އެއް އިންޓަނެޓްގެ ޚިދުމަތެވެ. ރާއްޖޭގެ އެންމެ ބޮޑު ފައިބަރ ބްރޯޑްބޭންޑް ނެޓްވޯކް ދިރާގުން ގާއިމުކޮށްފައިވާއިރު، ދިރާގުން ދަނީ މުޅި ރާއްޖެއަށް ފައިބަރ ބްރޯޑްބޭންޑްގެ ޚިދުމަތް ފުޅާކުރުމުގެ މަސައްކަތް ކުރަމުންނެވެ. އެގޮތުން 2016 ވަނަ އަހަރުން ފެށިގެން ދިރާގުން ވަނީ ފައިބަރ ބްރޯޑްބޭންޑް ރާއްޖޭގެ އާބާދީގެ ބޮޑު ބަޔަކަށް ފޯރު ކޮށްދީފައެވެ.