ދަތުރުފުޅު ނިންމަވާލެއްވުމަށްފަހު ރައީސްގެ ދެކަނބަލުން މާލެ ވަޑައިގެންފި
23 ޖޫން 2021 | ބުދަ 14:14ރައީސްގެ ދެކަނބަލުން ދުބާއީއަށް ވަޑައިގެންނެވީ މި ހިނގާ ޖޫން މަހުގެ 21 ވަނަ ދުވަހު
ރައީސް ޞާލިޙްއާއި އަނބިކަނބަލުން ފަޒްނާ
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އަނބިކަނބަލުން ފަޒްނާ އަޙްމަދު، ޔުނައިޓެޑް އެރެބް އެމިރޭޓްސް (ޔޫ.އޭ.އީ)ގެ ދުބާއީއަށް ކުރެއްވި ނުރަސްމީ ދަތުރުފުޅު ނިންމަވާލައްވައި، ބުދަ ދުވަހުގެ ހަވީރު މާލެ ވަޑައިގެންފިއެވެ.
ރައީސްގެ މި ދަތުރުފުޅަކީ އެމަނިކުފާނުގެ ކޮއްކޯފުޅު އަލްޙާފިޡް އަޙުމަދު މުޙައްމަދު ޞާލިޙް އަވަހާރަވުމާ ގުޅިގެން ކުރެއްވި ދަތުރުފުޅެކެވެ.
ރާއްޖެ އެމްވީއަށް މައުލޫމާތު ލިބިފައިވާގޮތުގައި އޭނާ އަވަހާރަވީ ކުއްލިގޮތަކަށް ހާޓް އެޓޭކެއް ޖެހިގެން، ފަރުވާދެމުން ގެންދަނިކޮށެވެ. އަވަހާރަވީ ޔުނައިޓެޑް އެރެބް އެމިރޭޓްސްގެ ދުބާއީގައި ހުންނަވަނިކޮށެވެ. އަވަހާރަވި އިރު އުމުރުފުޅަކީ 57 އަހަރެވެ.
އަޙުމަދު މުޙައްމަދު ޞާލިޙް ނުވަތަ އާއްމު ނަމުން ނަމަ އަހުމަދުބެ އަކީ ރައީސް ޞާލިޙްގެ ހަގަށް އެ އާއިލާގައި ތިއްބެވި 8 ބޭފުޅުންގެ ތެރެއިން ބޭފުޅެކެވެ. އެއީ ލޯފަން ބޭފުޅެކެވެ. ރައީސް ޞާލިޙްގެ އާއިލާގައި އެއްބަނޑު އެއްބަފާ 12 ބޭފުޅުން ތިއްބަވައެވެ.
މައުލޫމާތު ލިބިފައިވާ ގޮތުގައި އަހުމަދުބެ އަވަހާރަވީ ކެންސަރުގެ އާލާސްކަންފުޅަކަށް ފަރުވާ ހޯއްދަވަމުން ގެންދަވަނިކޮށެވެ.
ރައީސުލްޖުމްހޫރިއްޔާގެ ދެކަނބަލުން ދުބާއީއަށް ވަޑައިގެންނެވީ މި ހިނގާ ޖޫން މަހުގެ 21 ވަނަ ދުވަހުއެވެ.
