ކ. މާލެ
|
23 ޖޫން 2021 | ބުދަ 08:26
އަބޫދާބީން ފަތުރުވެރިންނަށް ހިލޭ ވެކްސިން ފޯރުކޮށްދޭން ފެށުން
އަބޫދާބީން ފަތުރުވެރިންނަށް ހިލޭ ވެކްސިން ފޯރުކޮށްދޭން ފެށުން
ރޮއިޓަރސް
އަބޫދާބީން ފަތުރުވެރިންނަށް ހިލޭ ވެކްސިން
އަބޫދާބީއަށް ޒިޔާރަތްކުރާ ފަތުރުވެރިންނަށް ހިލޭ ވެކްސިން ދެނީ
 
އަބޫދާބީން ދޫކުރާ ވިސާ ލިބިފައިވާ ފަރާތްތަކާއި އެތެރެވާއިރު ޓޫރިސްޓް ވިސާއަށް އެލިޖިބަލް ފަރާތްތަކަށް ހިލޭ ވެކްސިން ބުކް ކުރެވޭ
 
އެންޓްރީ ވިސާއާއި ރެސިޑެންސީ ވިސާގެ މުއްދަތު ހަމަވެފައިވާ ފަރާތްތަކަށް ވެސް ހިލޭ ވެކްސިނަށް އެދެވޭނެ
 
ދުބާއީ ހިމެނޭހެން ޔޫއޭއީގެ އެހެން ތަންތަނަށް ޒިޔާރަތްކުރާ މީހުންނަށް މި ފުރުސަތު ފަހިކޮށްދީފައެއް ނުވޭ

ޔުނައިޓެޑް އަރަބް އެމިރޭޓްސް (ޔޫއޭއީ) ގެ ވެރިރަށް އަބޫދާބީ އަށް ޒިޔާރާތްކުރާ ފަތުރުވެރިންނަށް ހިލޭ ކޮވިޑް 19 ވެކްސިން ފޯރުކޮށްދޭން ފަށައިފިއެވެ.

ޔޫއޭއީއަށް ޒިޔާރަތްކުރާ މީހުންގެ ތެރެއިން އަބޫދާބީން ދޫކުރާ ވިސާ ލިބިފައިވާ ފަރާތްތަކާއި، އެތެރެވާއިރު ޓޫރިސްޓް ވިސާއަށް ޝަރުތު ފުރިހަމަވާ ފަރާތްތަކަށް، ހިލޭ ވެކްސިން ބުކް ކުރެވޭ ގޮތަށް ހަމަޖެހިފައިވާކަމަށް، އެމިރޭޓްސްގެ ޕަބްލިކް ހެލްތު އިންފްރާސްޓްރަކްޗަރ ހިންގާ އަބޫދާބީ ހެލްތު ސާވިސެސް ކޮމްޕެނީއާ ހަވާލާދީ ރިޕޯޓުތައް ބުނެއެވެ.

އެންޓްރީ ވިސާއާއި، ރެސިޑެންސީ ވިސާގެ މުއްދަތު ހަމަވެފައިވާ ފަރާތްތަކަށް ވެސް ހިލޭ ވެކްސިނަށް އެދެވޭނެ ކަމަށް އަބޫދާބީ މީޑިއާ އޮފީހުން ބުނެއެވެ.

ޔޫއޭއީގެ ސިއްހީ އިދާރާތަކުން ހާމަކުރާގޮތުން، ވެކްސިންޖެހޭ އާބާދީގެ 85 އިންސައްތަ ވަނީ މަދުވެގެން ވެކްސިންގެ އެއްޑޯޒް ޖަހާފައެވެ. އެކަމަކު އޭގެތެރެއިން ވެކްސިންގެ ދެ ޑޯޒް ފުރިހަމަކޮށްފައި ވަނީ ކިތެއް މީހުންކަމެއް ސާފެއް ނުވެއެވެ.

މިދިޔަ މަހު އަބޫދާބީގައި ކޮވިޑް 19 ގެ ކޭސްތައް ފެންނަ އަދަދު އިތުރުވިއެވެ. އެހެންކަމުން އަބޫދާބީއަށް އެތެރެވުމުގައި ޚާއްސަ އުސޫލުތަކެއް އަދިވެސް އޮތީ ކަނޑައަޅާފައެވެ. އެގޮތުން އަބޫދާބީއަށް އެތެރެވާ މީހުން ކަރަންޓީނުވާންޖެހެއެވެ. އަދި ޕީސީއާރް ޓެސްޓްވެސް ހަދަންޖެހެއެވެ.

އެކަމަކު އެމެރިކާއާއި، ޖަރުމަނުވިލާތާއި، ޗައިނާ ހިމެނޭހެން 27 ގައުމަކުން ކަރަންޓީނު ވުމަކާއި ނުލައި، އަބޫދާބީއަށް އެތެރެވެވޭގޮތަށް ވަނީ ހަމަޖެހިފައެވެ.

އަބޫދާބީއަށް އެތެރެވާ ފަތުރުވެރިންނަށް ހިލޭ ވެކްސިން ފޯރުކޮށްދިނުމަށް ހަމަޖެހިފައިވިޔަސް، ފަތުރުވެރިންގެ މެދުގައި އެންމެ މަގުބޫލު އެއް މަންޒިލު ކަމުގައިވާ ދުބާއީ ހިމެނޭހެން ޔޫއޭއީގެ އެހެން ތަންތަނަށް ޒިޔާރަތްކުރާ މީހުންނަށް މި ފުރުސަތު ފަހިކޮށްދީފައެއް ނުވެއެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން
ރިވިއު ކުރީ: ޙުސައިން މަޚްތޫމް
0%
0%
0%
0%
0%
0%
ކޮމެންޓް