ވައްކަމުގެ މައްސަލައެއްގެ ތަހުގީގަށް ހާޒިރުކުރުމަށް މީހަކު ހޯދަނީ
21 ޖޫން 2021 | ހޯމަ 18:13އެމީހާ ހޯދަމުންދަނީ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރު ކުރެވިފައި ނުވާތީ ކަމަށް ފުލުހުން ބުނި
ވައްކަމުގެ މައްސަލާގައި ހޯދާ މީހާ
ވައްކަމުގެ މައްސަލައެއްގެ ތަހުގީގަށް ހާޒިރުކުރުމަށް ފުލުހުން މީހަކު ހޯދަން ފަށައިފިއެވެ.
ފުލުހުން ބުނީ އެމީހާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރު ކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާތުގެ ގަވާއިދުގެ 27ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުކުރުމަށް އެ މީހާ ހޯދަމުންދާ ކަމަށެވެ.
ފުލުހުން ހޯދަމުންދަނީ ތ.ކިނބިދޫ / ނޫވިލާގެ، އުމުރުން 34 އަހަރުގެ ޢަބްދުލްމާނިޢު މުޙައްމަދު ނަމަކަށް ކިޔާ މީހެކެވެ. އެމީހާ ހާޒިރު ކުރަނީ ވައްކަމުގެ މައްސަލައެއްގެ ތަހުގީގަށް، ސުވާލުކުރުމަށް ކަމަށް ފުލުހުން ބުންޏެވެ.
ފުލުހުން ބުނެފައިވަނީ އެމީހާ ތ. ކިނިބިދޫ ޕޮލިސް ސްޓޭޝަން ނުވަތަ އެންމެ ކައިރީގައިހުރި ޕޮލިސް ސްޓޭޝަނަކަށް، 2021 ޖޫން 28 ވަނަ ދުވަހުގެ 10:00ށް ހާޒިރުވުމަށް އަންގާ ކަމަށެވެ.
