އިތުރު ދެ މީހަކު ނިޔާވެ މަރުގެ އަދަދު 205ށް

ކޮވިޑަށް ފަރުވާ ހޯދަމުން ދިޔަ ދެމީހަކު ނިޔާވެ، ބަލީގައި ރާއްޖެއިން މަރުވި މީހުންގެ އަދަދު 205ށް އަރައިފިއެވެ.

ހެލްތު ޕްރޮޓެކްޝަން އޭޖެންސީން އާންމުކޮށްފައިވާ މައުލޫމާތަށް ބަލާއިރު، ހޮނިހިރު ދުވަހު އެންމެ ފުރަތަމަ މީހަކު ނިޔާވެފައި ވަނީ ދަންވަރު 1:30 ހާއިރުއެވެ. އެއީ އުމުރުން 55 އަހަރުގެ އިންޑިއާ ފިރިހެނެކެވެ. އޭނާ ނިޔާވެފައި ވަނީ ހުޅުމާލެ މެޑިކަލް ފެސިލިޓީގައި ފަރުވާދެމުން ދަނިކޮށެވެ. އެއީ ކޮވިޑް ބަލީގައި ރާއްޖެއިން ނިޔާވި 204 ވަނަ މީހާއެވެ.

ހޮނިހިރު ދުވަހު ފަތިހު 05:19 ހާއިރު ބަލީގައި އިތުރު މީހަކު ވަނީ ނިޔާވެފައެވެ. އެއީ އުމުރުން 41 އަހަރުގެ ދިވެހި ފިރިހެނެކެވެ. އޭނާއަކީ ވެސް ހުޅުމާލެ މެޑިކަލް ފެސިލިޓީގައި ފަރުވާ ހޯދަމުން ދިޔަ މީހެކެވެ. އެއީ ކޮވިޑް ބަލީގައި ރާއްޖެއިން ނިޔާވި 205 ވަނަ މީހާއެވެ.

މިހާތަނަށް 71،000 އަށްވުރެ ގިނަ މީހުން ރާއްޖެއިން ކޮވިޑް ބައްޔަށް ވަނީ ޕޮޒިޓިވް ވެފައެވެ. އެކްޓިވް ކޭހުގެ އަދަދު މިހާރު ހުރީ 6000 ން މަތީގައެވެ. އޭގެތެރެއިން 50 އެއްހާ މީހުން ހޮސްޕިޓަލްތަކުގައި އެޑްމިޓްކޮށްފައި ވާކަމަށް އެޗްޕީއޭގެ ތަފާސް ހިސާބުތަކުން ދައްކައެވެ.