މާލޭގެ ހުޅަނގު ފަރާތު ބަނދަރުގައި އަޅާފައިވާ ލޯންޗްތަކެއްގައި އަލިފާން ރޯވެއްޖެ
ހާދިސާގައި އެއްވެސް މީހަކަށް ގެއްލުމެއް ނުވޭ
ހުޅަނގު ފަރާތު ބަނދަރުގައި އަޅާފައިވާ ލޯންޗްތަކެއްގައި އަލިފާން ރޯވެފައި
މާލޭގެ ހުޅަނގު ފަރާތު ބަނދަރުގައި އަޅާފައިވާ ލޯންޗްތަކެއްގައި އަލިފާން ރޯވެއްޖެއެވެ.
އެމްއެންޑީއެފުން ބުނީ އަލިފާން ރޯވެފައިވަނީ، ފަޅުގައި އަޅާފައި އޮތް 3 ލޯންޗެއްގައި ކަމަށެވެ. ބުރާސްފަތި ދުވަހުގެ ހެނދުނު 6:13ހާއިރު ހާދިސާގެ ރިޕޯޓް ލިބިގެން އެސަރަހައްދަށް ގޮސް އަލިފާން އެއްކޮށް ނިއްވާލާފައިވާކަމަށް އެމްއެންޑީއެފުން މައުލޫމާތުދެއެވެ. މި ހާދިސާގައި ބިދޭސީއަކަށް އަނިޔާވެގެން އައިޖީއެމްއެޗްގައި ދަނީ ފަރުވާދެމުންނެވެ.
އަލިފާން ރޯވި 3 ލޯންޗްގެ ތެރެއިން އެއް ލޯންޗް އެއްކޮށް ވަނީ އަނދާފައެވެ. 3 ލޯންޗެއްގައި އަލިފާން ރޯވި ނަަމަވެސް 4 ލޯންޗަކަށް ގެއްލުން ލިބުނު ކަމަށް އެމްއެންޑީއެފުން މައުލޫމާތު ދެއެވެ. ހާދިސާގެ އިތުރު ތަފްސީލް އަދި ހާމައެއް ނުކުރެއެވެ.
