ކުޑަކުދިންގެ ބަގީޗާއިން ދޫންޏެއް ވަގަށް ނެގި މީހަކު ހޯދަނީ
15 ޖޫން 2021 | އަންގާރަ 06:20ދޫނީ ވަގަށް ނަގާފައިވަނީ މެއި 12 ވަނަ ދުވަހުގެ ވަގުތެއްގައި
ދޫނި ވަގަށް ނެގުން
ކުޑަކުދިންގެ ބަގީޗާއިން ދޫންޏެއް ވަގަށް ނެގި މައްސަލައަކާ ގުޅިގެން މީހަކު ހޯދަން ފުލުހުން ފަށައިފިއެވެ.
ފުލުހުން މި މީހާގެ ވީޑިއޯ އާންމުކޮށްފައިވާއިރު އެ ވީޑިއޯއިން ފެންނަ މީހާއަކީ 2021 މެއި 12 ވަނަ ދުވަހުގެ ވަގުތެއްގައި ކުޑަކުދިންގެ ބަގީޗާ ތެރޭގައި ހުރި ދޫނި ކޮއްޓަކުން ދޫންޏެއް ވަގަށް ނަގާފައިވާ މައްސަލައާ ގުޅިގެން ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ކުރަމުންދާ ތަހުގީގަށް ހޯދަމުންދާ މީހެއް ކަމަށް ވަނީ ބުނެފައެވެ.
މީހާއާބެހޭ އެއްވެސް މަޢުލޫމާތެއް ލިބިފައިވާނަމަ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު 9631696 އަށް ގުޅައި އެ މައްސަލައިގެ އިންސިޑެންޓް ނަންބަރު ބުނުމަށްފަހު އެމައުލޫމާތެއް ހިއްސާ ކުރުމަށް ފުލުހުން ވަނީ އެދިފައެވެ. މިމައްސަލައިގެ އިންސިޓެންޑް ނަންބަރަކީ 486858 އެވެ.
