އެލްޖީއޭ ބޯޑު އިންތިޚާބުގެ ވޯޓުލުން ކުރިއަށް ގެންގޮސްފި

ލޯކަލް ގަވަރމަންޓް އޮތޯރިޓީ (އެލްޖީއޭ) ގެ ބޯޑަށް ކައުންސިލަރުންގެ ތެރެއިން އެމީހުން އިންތިޚާބުކުރާ މެންބަރުން ހޮވުމަށް ބާއްވާ އިންތިޚާބުގެ ވޯޓުލުން ކުރިއަށް ގެންގޮސްފިއެވެ.

އިންތިޚާބުގެ ވޯޓުލުން ހުރިހާ ރަށެއްގައި ވެސް ހޮނިހިރު ދުވަހުގެ 11:00ން 10:00 އަށް ގެންގޮސްފައި ވާކަމަށް އިލެކްޝަންސް ކޮމިޝަނުން ބުނެއެވެ.

Advertisement

މި އިންތިޚާބުގައި މާލެ ސިޓީގެ ވޯޓުލުން ކުރިއަށް ގެންގޮސްފައި ވަނީ އިންތިޚާބާ ބެހޭ މަރުކަޒުގައެވެ. އަދި އަތޮޅުތެރޭގެ ރަށްރަށުގެ ތެރެއިން އައްޑޫ ސިޓީ ހުޅުދޫ މީދޫގެ ވޯޓު ފޮށި ބަހައްޓާފައި ވަނީ ދެރަށުގެ މެދުގައި ހުރި ސްކޫލްގައެވެ. އެހެން ރަށްރަށުގެ ވޯޓު ފޮށި ބަހައްޓާފައި ވަނީ އެރަށެއްގެ ރަށު ކައުންސިލް ނުވަތަ ސިޓީ ކައުންސިލް އިދާރާގައެވެ.  

އެލްޖީއޭ ބޯޑުގެ ސިޓީ ކައުންސިލްތަކުގެ ގޮނޑިއަށް ކުރިމަތިލެއްވީ މާލެ ސިޓީ މޭޔަރު ޑރ. މުޙައްމަދު މުއިއްޒު އާއި ފުވައްމުލައް ސިޓީ މޭޔަރު އިސްމާއިލް ރަފީގްއެވެ.

އެލްޖީއޭ ބޯޑުގެ އަތޮޅު ކައުންސިލްތަކުގެ ތެރެއިން ކުރިމަތިލެއްވީ ކ. އަތޮޅު ކައުންސިލްގެ ރައީސް މުޙައްމަދު ނިމާލާއި، ނ. އަތޮޅު ކައުންސިލްގެ ރައީސް މުޙައްމަދު ބަޝީރެވެ. އެކަމަކު ބަޝީރު ފޯމު ހުށަހެޅުއްވީ ސުންގަޑި ހަމަވި ފަހުން ކަމަށް ވާތީ އެ ގޮނޑިއަށް އިންތިޚާބަކާއި ނުލައި ނިމާލް ވަނީ ހޮވިފައެވެ.

ރަށު ކައުންސިލްތަކުން ބޯޑު މެންބަރު ކަމަށް ހަތް ކައުންސިލަރަކު ވާދަ ކުރެއެވެ. އޭގެތެރޭގައި ހިމެނެނީ ވެރިކަން ކުރާ އެމްޑީޕީއަށް ނިސްބަތްވާ ފަސް ކައުންސިލަރުންނާއި އިދިކޮޅު ޕީޕީއެމް އަށް ނިސްބަތްވާ ކައުންސިލަރެކެވެ.