ހ. ތަރަބޫޒުގޭގައި ރޯވި އަލިފާންގަނޑު ނިއްވާލައިފި

ހ. ތަރަބޫޒު ގޭގައި ރޯވި އަލިފާންގަނޑު ނިއްވާލައިފިއެވެ.

އެމްއެންޑީއެފް އިން ބުނީ އަލިފާން ރޯވީ ތަރަބޫޒުގޭގެ ފުރަތަމަ ފަންގިފިލާގައި ހުރި އޭސީ މަރާމާތުކުރާ ސާމަނުތަކެއްގައި ކަމަށެވެ. ހާދިސާގެ ރިޕޯޓު ލިބިފައި ވަނީ 2:44ގައި ކަމަށް ވެސް ބުންޏެވެ. 3:15 ވީ އިރު އަލިފާންގަނޑު ވަނީ އެއްކޮށް ނިވާލާފައެވެ.

އެ ސަރަހައްދުން "ރާއްޖެއެމްވީ" އަށް މައުލޫމާތު ދިންގޮތުގައި ރޯވި ބަޔަކީ ސައިކަލު ބޯޑު ފަދަ ތަކެތި ހަދާ ބައެއް ކަމަށާއި، އެފަދަ ތަކެތި ހަދާ މެޝިނާއި ސާމާނު އެތަނުގައި ހުންނަ ކަމަށް ބުންޏެވެ. އަދި އަލިފާންގަނޑު ރޯވި ފަހުން އެތަނުން ތިން ފަހަރަކަށް ބާރު ގޮވުމެއްގެ އަޑު އިވުނު ކަމަށް ވެސް ވެއެވެ. އެގެއަށް ލިބުނު ގެއްލުންތަކުގެ ތަފްސީލެއް އަދި ނުލިބެއެވެ.