ފްރާންސްގެ ރައީސްގެ މޫނުފުޅުގައި މީިހަކު ޖަހައިފި
8 ޖޫން 2021 | އަންގާރަ 14:07މި މައްސަލައިގައި ދެމީހަކު ހައްޔަރުކޮށްފި
ފްރާންސްގެ ރައީސްގެ މޫނުފުޅުގައި މީހަކުޖާހާ މަންޒަރު
ފްރާންސްގެ ރައީސް އެމަނުއަލް މެކްރޯންގެ މޫނުފުޅުގައި މީިހަކު ޖަހާ ވީޑިއޯއެއް އާއްމުވެއްޖެއެވެެ.
ސޯޝަލް މީޑިއާގައި ދައުރުވަމުން އަންނަ މި ވީޑިއޯއިން ފެންނަ ގޮތުގައި، އެމަނިފާނު ތެއިން-އަލް ހަމިޓާރޖަށް ކުރައްވި ޒިޔާރަތުގެ ތެރެއިން، ސަޕޯޓަރުންނާ ބައްދަލު ކުރެއްވުމަށް ފެންސް ކައިރިއަށް ވަޑައިގަތުމުން އެތަނުން މީހަކުވަނީ ވަނީ އެމަނިކުފާނުގެ މޫނުފުޅުގައި ޖަހާފައެވެ.
އެއާއެކު ފުލުހުން އެމަނިކުފާނު އެތަނުން ދުރު ކުރެއްވިއެވެ. ފްރާންސްގެ މީޑިއާތަކުން ރިޕޯޓް ކުރާ ގޮތުގައި މިކަމާ ގުޅިގެން ދެމީހަކު މިހާރުވަނީ ހައްޔަރުކޮށްފައެވެ.
ވީޑިއޯއިން ފެންނަ ގޮތުން އެެ މީހާ ފުރަތަމަ ރައީސްގެ އަތްޕުޅުގައި ހިފުމުން، ފުލުހުން އެމީހާ ދުރުކުރުމުގެ ކުރިން އަނެއް އަތުން ރައީސްގެ މޫނުފުޅުގައި ޖަހައެވެ. ދެވަނަ ފަހަރަށް ޖަހަން މަސައްކަތްކުރާތަން ވެސް ވީޑިއޯއިން ފެނެއެވެ. އެހެންނަމަވެސް ފުލުހުން ރައީސް ފަތަށް ޖައްސައެވެ.
