އަރްބާޒާއި މަލައިކާ ވަރިވެއްޖެ
މަލައިކާއާއި އަރްބާޒް ކައިވެނި ކޮށްގެން އުޅުނީ 18 އަހަރު
އަރްބާޒާއި މަލައިކާ
އަރްބާޒް ޚާނާއި މަލައިކާ އަރޯރާ ވަރިވެއްޖެއެވެ.
އެދެމީހުން ވަރިވެފައި ވަނީ ވަރިވުމަށް މިދިޔަ އަހަރު ނޮވެމްބަރުގައި ވަރިވުމަށް ކޯޓަށް ހުށައެޅުމަށް ފަހުގައެވެ.
އެދެމީހުން ވަރިވާން ދިމާވި ސަބަބެއް ހާމަކޮށްފައެއް ނުވެއެވެ. އެދެމީހުން ވަރިވިއިރު ކައިވެންޏަށް 18 އަހަރުވެ، 14 އަހަރުގެ ފިރިހެން ކުއްޖަކު ވަނީ ލިބިފައެވެ.
ވަރިވުމާ އެކު ކޯޓުން ވަނީ ދަރިފުޅު ހުންނާނީ މަލައިކާ ކައިރީގައި ކަމަށް ނިންމާފައެވެ. އަދި އަރްބާޒް ބޭނުން ކޮންމެ ގަޑިއެއްގައި ދަރިފުޅާ ބައްދަލުވުމުގެ ހުއްދަ މަލައިކާ ދޭންވާނެ ކަމަށް ބުނެފައެވެ.
ބުރާސްފަތި ދުވަހު މަލައިކާ އާއި އަރްބާޒު ވަރިވެފައިވާއިރު ބުދަދުވަހުގެރޭ އޮތް ޖަސްޓިން ބީބާގެ ކޮންސެޓަށް ދަރިފުޅު ގޮވައިގެން އެކުގައި ވަނީ ގޮސްފައެވެ.
އެދެމީހުން ވަރިވާން ނިންމި ފަހުން ވެސް އަރްބާޒުގެ އާއިލާގެ ހާއްސަ ހަފްލާތަކުން މަލައިކާ ވަނީ ފެނިގެން ގޮސްފައެވެ.
އެގޮތުން އެންމެ ފަހުން އަރްބާޒުގެ ކޮއްކޮ އަރްޕިތާގެ ދަރިފުޅުގެ އުފަންދުވަސް ފާހަގަ ކުރުމަށް އައި އިރު މަލައިކާ ވެސް ވަނީ ރާއްޖެ އައިސްފައެވެ. އަރްބާޒް ޚާންއަކީ ސަލްމާން ޚާންގެ އެއްބަނޑު އެއްބަފާ ކޮއްކޮއެވެ.
