ކޮވިޑަށް ފަރުވާ ހޯދަމުންދިޔަ ދެމީހަކު ނިޔާވެއްޖެ
ދެމީހުން ވެސް ނިޔާވެފައިވަނީ ހުޅުމާލެ މެޑިކަލް ފެސިލިޓީގައި
ހުޅުމާލެ މެޑިކަލް ފެސިލިޓީ
ކޮވިޑް-19އަށް ފަރުވާ ހޯދަމުން ދިޔަ އިތުރު ދެ މީހަކު ނިޔާވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ ނިޔާވެފައިވަނީ އުމުރުން 93 އަހަރުގެ ދިވެހި އަންހެނެއް ކަމަށާއި، އޭނާ ނިޔާވެފައިވަނީ ހޮނިހިރު ދުވަހުގެ ދަންވަރު 00:47 ގައި ހުޅުމާލެ މެޑިކަލް ފެސިލިޓީ ގައި ކަަމަށެވެ. މިއީ ރާއްޖެއިން ކޮވިޑު ޖެހިގެން ނިޔާވި 183 ވަނަ މީހާއެވެ.
ރާއްޖެއެމްވީއަށް މައުލޫމާތު ލިބިފައިވާ ގޮތުން ނިޔާވި ދެވަނަ މީހާ އަކީ އުމުރުން 82 އަހަރުގެ އަންހެނެކެވެ. އޭނާ ވެސް ނިޔާވެފައިވަނީ ހުޅުމާލެ މެޑިކަލް ފެސިލިޓީގައި ކޮވިޑަށް ފަރުވާ ހޯދަމުން ދަނިކޮށެވެ. މިއާއެކު ރާއްޖެއިން ކޮވިޑު ބަލީގައި ނިޔާވި މީހުންގެ އަދަދު ވަނީ 184ށް އަރާފައެވެ.
ރާއްޖޭގައި ފެންނަ ކޮވިޑުގެ ކޭސްތަކުގެ އަދަދު އިތުރުވެފައިވާއިރު، މި ބަލި ޖެހިގެން ނިޔާވާ މީހުންގެ އަދަދު ވެސް އަންނަނީ އިތުރުވަމުންނެވެ.
ކޮވިޑް-19ގެ ކޭސްތަކުގެ އަދަދު ކޮންޓްރޯލް ކުރުމަށްޓަކައި އާންމު ރައްޔިތުންގެ އެއްބާރުލުން ބޭނުންވާ ކަމަށް ސިއްހީ މާހިރުން އަންނަނީ ތަކުރާރުކޮށް ބުނަމުންނެވެ.
