ދާންދޫ މަގުމަތިން މަރުވެފައި އޮތް މީހަކު ފެނިއްޖެ
7 ޑިސެމްބަރު 2024 | ހޮނިހިރު 09:53އެމީހާ ވެއްޓިފައިވަނީ ދާންދޫ ފެނަކަ ބްރާންޗު ހުޅަނގު ފަރާތު މަގުމައްޗަށް
އަމްނާ އިމާދު | 7 ޑިސެމްބަރު 2024 | ހޮނިހިރު 09:53
ގއ.ދާންދޫ
ގއ. ދާންދޫ މަގުމަތިން މަރުވެފައި އޮތް ފިރިހެނަކު ފެނިފައިވާ ކަމަށް ފުލުހުން ބުނެފިއެވެ.
ހޮނިހިރު ދުވަހު ފުލުހުން ބުނީ ޑިސެންބަރު މަހުގެ 7 ވަނަ ދުވަހުގެ 8:10 ހާއިރު ނަގަހެލަގޭ 33 އަހަރުގެ އަހުމަދު އަބްދުﷲ ވެއްޓިފައި އޮއްވާ ފެނުނު ކަމުގެ ރިޕޯޓު ލިބިފައިވާ ކަމަށެވެ. އެމީހާ ވެއްޓިފައިވަނީ ދާންދޫ ފެނަކަ ބްރާންޗު ހުޅަނގު ފަރާތު މަގުމައްޗަށް ކަމަށެވެ.
ފުލުހުން ބުނީ އެމީހާ ސިއްހީ މަރުކަޒަށް ގެންދިޔައިރު ވެސް މަރުވެފައިވާ ކަމަށް އެމަރުކަޒުން މައުލޫމާތުދީފައިވާ ކަމަށެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
