ދިވެހި ފުލުހުންގެ ޚިދުމަތުގައި މަސައްކަތް ކުރަމުންދިޔަ ސާޖަންޓެއް ކުއްލިގޮތަކަށް ނިޔާވެއްޖެއެވެ.
ހުކުރު ދުވަހުގެ ރޭ ކުއްލި ގޮތަކަށް ނިޔާވެފައިވަނީ ތ. ގުރައިދޫ ފޮލިސް ސްޓޭޝަނުގައި މަސައްކަތް ކުރައްވަމުން ގެންދަވާ ސާޖަންޓް، ފާތިމަތު ރިފާއެވެ.
ފުލުހުން ނެރުނު ތައުޒިޔާގެ މެސެޖްގައި ރިފާގެ އާއިލާ އަށް ޕޮލިސް ކޮމިޝަނަރު އަލީ ޝުޖާއު އާއި ފުލުހުންގެ ހުރިހާ މުވައްޒަފުންގެ ނަމުގައި ވަނީ ތައުޒިޔާ ފޮނުވައިފައެވެ.
މީގެ އިތުރުން ނައިބު ރައީސް ހުސެއިން މުހައްމަދު ލަތީފް ވެސް ވަނީ ރިފާގެ އާއިލާއަށް ކެތްތެރިކަން ދެއްވުމަށް އެދި ދުއާ ދަންނަވާފައެވެ.
ރިފާގެ މަރާ ގުޅޭގޮތުން އިތުރު ތަފްސީލެއް ހާމަކޮށްފައިނުވެއެވެ. މައުލޫމާތު ލިބިފައިވާ ގޮތުގައި ރިފާ ފުލުހެއްގެ ގޮތުގައި 18 އަހަރު ޚިދުމަތްކޮށް ދެއްވާފައެވެ.
މީގެ ކުރިން ވެސް ފުލުހުން ކުއްލި ގޮތަކަށް މަރުވުމުގެ ހާދިސާތައް ހިނގާފައިވެއެވެ.
