ރަސްދޫގައި ޗުއްޓީ ހޭދަކުރަމުންދިޔަ ފަތުރުވެރިއަކު ސްނޯކްލިންނަށް ގޮސް އުޅެނިކޮށް މަރުވެއްޖެ
މަރުވެފައިވަނީ 27 އަހަރުގެ ޗައިނާ ފިރިހެނެއް
ާއއ.ރަސްދޫ
އއ.ރަސްދޫގައި ޗުއްޓީ ހޭދަކުރަމުންދިޔަ ފަތުރުވެރިއަކު ސްނޯކްލިންނަށް ގޮސް އުޅެނިކޮށް މަރުވެއްޖެއެވެ.
މަރުވެފައިވަނީ 27 އަހަރުގެ ޗައިނާ ފިރިހެނެކެވެ.
ހޯމަ ދުވަހު ފުލުހުން ބުނީ އއ. ގަންގެހި ރިސޯޓް ބޭރަށް ސްނޯކްލިންނަށް ގޮސް އުޅުނު ފަތުރުވެރިއެއް މަރުވެފައިވާ ކަމަށް 13 އޮކްޓޫބަރު 2024 ވީ އާދިއްތަ ދުވަހުގެ ހެނދުނު 11:22 ހާއިރު ރިޕޯޓްކޮށްފައިވާ ކަމަށެވެ. ސިއްހީ މަރުކަޒަށް ގެންދިޔައިރު ވެސް އެމީހާ މަރުވެފައިވާ ކަމަށް އެ މަރުކަޒާއި ހަވާލާދީ ފުލުހުން ބުނެފައިވެއެވެ.
މި މީހާއަކީ ރަސްދޫ ގެސްޓްހައުސްއެއްގައި ޗުއްޓީ ހޭދަ ކުރަމުންދިޔަ މީހެއް ކަމަށް ފުލުހުން ބުނެއެވެ. އޭނާ މަރުވާން ދިމާވި ސަބަބެއް ފުލުހުން ހާމަކޮށްފައިނުވެއެވެ. އަދި މިހާދިސާއާ ގުޅޭގޮތުން ރަސްދޫ ކައުންސިލްގެ ބަހެއް ވަނީ ލިބޭ ގޮތް ނުވެފައެވެ.
މި މައްސަލަ ފުލުހުން ގެންދަނީ އިތުރަށް ތަހުގީގު ކުރަމުންނެވެ.
ރަސްދޫއަކީ ގެސްޓްހައުސް ވިޔަފާރި ވަރަށް ބޮޑަށް ފުޅާވެފައިވާ ރަށެކެވެ.
