ކުޅުދުއްފުށިން މީހަކު ރަހީނުކުރި މައްސަލައިގައި އިތުރު މީހަކު ހައްޔަރުކޮށްފި
6 ޖޫން 2021 | އާދީއްތަ 02:31ހައްޔަރުކުރީ އުމުރުން 19 އަހަރުގެ ދިވެހި ފިރިހެނެއް
ހދ. ކުޅުދުއްފުށި ޕޮލިސް ސްޓޭޝަން
ހދ. ކުޅުދުއްފުށިން މީހަކު ރަހީނުކުރި މައްސަލައިގައި އިތުރު މީހަކު ހައްޔަރުކޮށްފިއެވެ.
މިދިޔަ ހޮނިހިރު ދުވަހުގެ ރޭ ކުޅުދުއްފުށިން ރަހީނުކޮށްފައި ވަނީ އުމުރުން އުމުރުން 29 އަހަރުގެ ހަސަން އިބްރާހިމެވެ. އޭނާ ރަހީނުކޮށް އޭނާއަށް ބޮޑެތި އަނިޔާތައް ވެސް ކޮށްފައިވެއެވެ.
ފުލުހުން ބުނީ އެ މައްސަލާގައި ކޯޓު އަމުރެއްގެ ދަށުން އުމުރުން 19 އަހަރުގެ ދިވެހި ފިރިހެނަކު މިއަދު ހައްޔަރު ކޮށްފައިވާ ކަމަށެވެ. މިއީ އެ މައްސަލައިގައި ހައްޔަރުކުރި ތިންވަނަ މީހާއެވެ. މީގެ ކުރިން އެ މައްސަލައިގައި 24 އަހަރުގެ މީހަކާއި 25 އަހަރުގެ މީހެއް ވެސް ހައްޔަރުކުރިއެވެ.
މޫނު ނިވާކޮށްގެން ތިބެ އޭނާ ރަހީނުކޮށްގެން ކާރަކަށް އަރުވައިގެން ގެންގޮސް ކުރި އަނިޔާގެ ސަބަބުން ސިކުނޑިއަށް ލޭ އެޅި އޭނާ މިހާރު ފަރުވާހޯދަމުން ދަނީ އޭޑީކޭގެ އައިސީޔޫގައެވެ. އޭނާ ރަހީނުކޮށް އެރުވި ކާރުވެސް ފުލުހުންގެ ބެލުމުގެ ދަށަށް ގެންގޮސްފައިވާއިރު، އެ ހަމަލާގެ ކުރިން ވެސް އެކި ފަހަރު މަތިން އޭނާއަށް އިންޒާރު ދީފައިވެއެވެ.
