ފޮރިން މިނިސްޓަރ އަބްދުﷲ ޝާހިދު، ޕެނަމާގެ ފޮރިން މިނިސްޓަރ އެރިވާ މުވީންސާ ބައްދަކު ކުރައްވައިފިއެވެ.
މި ބައްދަލުވުމުގައި ދެގައުމުގެ ދެމެދުގައި އޮތް ގުޅުން އިތުރަށް ބަދަހި ކުރެވިދާނެ ގޮތްތަކާ ބެހޭ ގޮތުން މަޝްވަރާ ކުރެއްވިއެވެ.
އަދ. ގެ އާއްމު މަޖިލީހުގެ ރައީސް ހޮވުމަށް ބާއްވާ އިންތިޚާބު މި މަހު ބޭއްވާއިރު މިނިސްޓަރ ޝާހިދު ގެންދަވަނީ އެކި ގައުމުތަކުގެ ޚާރިޖި ވަޒީރުންނާ ބައްދަލު ކުރައްވަމުންނެވެ. މި އިންތިޚާބުގައި ރާއްޖޭގެ ފޮރިން މިނިސްޓަރު އަބްދުﷲ ޝާހިދާ ވާދަކުރައްވަނީ އަފްޣާނިސްތާނުގެ ކުރީގެ ފޮރިން މިނިސްޓަރު ޑރ. ޒަލްމާއި ރަސޫލެވެ.
ހޮނިހިރު ދުވަހު ކުރިއަށްގެންދެވި މި ބައްދަލުވުމަށްފަހު ޕެނަމާގެ ޚާރިޖިވަޒީރު ކުރެއްވި ޓްވީޓެއްގައި ވިދާޅުވެފައިވަނީ، އދ. ގެ އާއްމު މަޖިލީހުގެ 76 ވަނަ ރައީސަކަށް ރާއްޖޭގެ ފޮރިން މިނިސްޓަރ ހޮވުމަށް ޖަޒީރާ ގައުމުތަކާއެކު އެއްބަސްވުމަށް މަސައްކަތް ކުރައްވާނެ ކަމަށެވެ.
މި އިންތިޚާބުގައި މިނިސްޓަރ ޝާހިދަށް ތާއީދު ކުރައްވާނެކަން ސައުދީންނާއި އންޑިއާއިންވަނީ ހާމަކޮށްފައެވެ.
