ކޮވިޑް-19: 182ވަނަ މަރު
ބަލީގައި މަރުވާމީހުންގެ އަދަދު ވަނީ އިތުރުވެފައި
ހުޅުމާލެ ސަހަރާ
ކޮވިޑް19ގައި އިތުރު މީހަކު ނިޔާ ވެއްޖެއެވެ. ކޮވިޑް19ގައި ނިޔާވި މީހުންގެ އަދަދު މިހާރު ވަނީ 182ށް އަރައިފައެވެ.
ބަލީގައި ހޮނިހިރު ދުވަހު ހެނދުނު 5 މީހަކު ވަނީ ނިޔާވެފައެވެ. ހޮނިހިރު ދުވަހު ހެނދުނު ނިޔާވީ ފަސް އަންހެނުންނެވެ. އޭގެ ތެރޭގައި 28 އަހަރުގެ ޒުވާނަކުވެސް ހިމެނެއެވެ. 28 އަހަރުގެ ޒުވާނާ ފިޔަވައި ދެންތިބި މީހުން ނިޔާވެފައިވަނީ ހުޅުމާލެ މެޑިކަލް ފެސިލިޓީގައެވެ. ޒުވާނާ ނިޔާވެފައިވާނީ ޑީއެޗް11ގައި ފަރުވާ ދެމުން އަންނަނިކޮށް ފަތިހު 04:19ގައެވެ.
72 އަހަރުގެ މީހާ ނިޔާވީ ހުޅުމާލެ މެޑިކަލް ފެސިލިޓީގައި ފަރުވާ ދެމުން އަންނަނިކޮށް ހުކުރު ދުވަހުގެ ރޭ 11:34ގައެވެ. 64 އަހަރުގެ އަންހެން މީހާ ނިޔާވެފައިވަނީ ހުޅުމާލެ މެޑިކަލް ފެސިލިޓީގައި ހުކުރު ދުވަހުރޭ 12:42ގައެވެ. 79 އަަހަރުގެ އަންހެން މީހާ ނިޔާވެފައިވަނީ ހަމަ ހުޅުމާލެ މެޑިކަލް ފެސިލިޓީގައި ހުކުރު ދުވަހުގެ ރޭ 12:52 ގައެވެ. 68 އަހަރުގެ އަންހެން މީހާ ނިޔާވެފައިވަނީ ހުުޅުމާލެ މެޑިކަލް ފެސިލިޓީގައި ހޮނިހިރު ދުވަހުގެ ހެނދުނު 07:17ގައެވެ.
ރާއްޖޭގައި ކޮވިޑުގެ ކޭސްތަކުގެ އަދަދު އިތުރުވެފައިވާއިރު، މި ބަލި ޖެހިގެން ނިޔާވާ މީހުންގެ އަދަދު ވެސް އަންނަނީ އިތުރުވަމުންނެވެ.
ކޮވިޑް-19ގެ ކޭސްތަކުގެ އަދަދު ކޮންޓްރޯލް ކުރުމަށްޓަކައި އާންމު ރައްޔިތުންގެ އެއްބާރުލުން ބޭނުންވާ ކަމަށް ސިއްހީ މާހިރުން އަންނަނީ ތަކުރާރުކޮށް ބުނަމުންނެވެ.
