އިންޓަރނެޓްގެ އަގު ހެޔޮކޮށްފި

އިންޓަރނެޓްގެ އަގު ހެޔޮކޮށްފިއެވެ.

އިންޓަރނެޓްގެ އަގަށް ގެނެވުނު ބަދަލުތަކުގެ ތެރެއިން ފިކްސްޑް ބްރޯޑްބޭންޑަށް ގެނައި ބަދަލުތަކާއެކު ޚިދުމަތްދޭން ފަށާނީ ޖުލައި މަހުގެ 1 ވަނަ ދުވަހުއެވެ. މޮބައިލް ބްރޯޑްބޭންޑަށް ގެނެވުނު ބަދަލުތަކާއެކު ޚިދުމަށް ދޭން ފަށާނީ އޮކްޓޯބަރ 1 ވަނަ ދުވަހުން ފެށިގެންނެވެ.

އިންޓަރނެޓްގެ އަގަށް ގެނެވުމު ބަދަލުތައް އިއުލާންކުރުމަށް "ނެޓް ހެޔޮ" މިނަމުގައި ބޭއްވި ރަސްމިއްޔާތުގައި އިއުލާން ކުރި ބަދަލާއެކު ރެސިޑެންޝަލް އިންޓަރނެޓް ޚިދުމަތްތައް ބޭނުންކުރާ ފަރާތްތަކަށް (%60 - %75) މީހުންނަށް ސީދާކޮށް މަހުފީ އަގުހެޔޮ ވެގެންދާނެއެވެ.

އިންޓަރނެޓް ޕެކޭޖްތަކުގެ ތްރޮޓްލް ސްޕީޑް ދެގުނަ އަދި ފަސްގުނަ މަތިވެގެންދާނެކަން ވަނީ އިއުލާން ކޮށްފައެވެ. މިހާރު ޖުމްލަ ގޮތެއްގައި ތްރޮޓްލް ސްޕީޑަކީ 1Mbps އާއި 2Mbps އާ ދެމެދުކަމަށްވަނީ އިއުލާންކޮށްފައެވެ. ތްރޮޓްލް ސްޕީޑް މަތިވުމުން، އިންޓަރނެޓުގެ ޒަރީޢާއިން ބޭނުންކުރާ ގިނަ ޚިދުމަތްތަކަށް ސްޕީޑް ދަށްވުމުގެ ސަބަބުން ދިމާވާ މައްސަލަތައް ނިސްބަތުން ދަށްވެ، ޑޭޓާ އެޑް-އޮންސް އަށް ކުރާ ޚަރަދު އުނިވެގެންދާނެއެވެ.

މިގޮތުން، އާދައިގެ މިންވަރަކަށް އިންޓަރނެޓް ބޭނުންކުރާ ފަރާތްތަކަށާއި، ސްކޫލް ކުދިންގެ ވީޑިއޯ ކޮންފަރެންސިންގ ފަދަ ބޭނުންތަކަށާއި، އައި. ސީ. ޓީ. ދާއިރާގައި މަސައްކަތްކުރާ ފަރާތްތަކަށްވެސް، މިގެނެވޭ ބަދަލުތަކުގެ މަންފާލިބިގެންދާނެއެވެ. އަދި ޕެކޭޖްގެ ތްރޮޓްލް ސްޕީޑުގައި ވެސް ޢާއްމު ބޭނުންތަކަށް އެކަށޭނަ ސްޕީޑެއްގައި އިންޓަރނެޓުގެ ޚިދުމަތް ލިބިގެންދާނެއެވެ.

އިންޓަރނެޓަށް ގެނެވުނު ބަދަލުތައް

- 300 ރުފިޔާއަށް ވުރެ މަތީގެ ޕެކޭޖުތަކަށް ތްރޮޓަލް ސްޕީޑް 5 އެމް.ބީ.ޕީ.އެސް އަށް ވުރެ ދަށްނުކުރުން

- ނޭޝަނަލް މިނިމަމް ބްރޯޑް ބޭންޑަކީ 2 އެމްބީޕީއެސް ކަމުގައި ކަނޑައެޅުން

- ފިކްސްޑް ބްރޯޑް ބޭންޑް 5 އެމްބީޕީއެސްއަށްވުރެ ދަށް ނޫން ސްޕީޑްގައި މަހަކު 250ރ. އަށް 30 ޖީބީ

- ފިކްސްޑް ބްރޯޑް ބޭންޑް 15 އެމްބީޕީއެސްއަށްވުރެ ދަށް ނޫން ސްޕީޑްގައި މަހަކު 500ރ. އަށް 100 ޖީބީ

- ފިކްސްޑް ބްރޯޑް ބޭންޑް 25 އެމްބީޕީއެސްއަށްވުރެ ދަށް ނޫން ސްޕީޑްގައި މަހަކު 700ރ. އަށް 200 ޖީބީ

- 300ރ. އަށް ވުރެ މަތިން ނަގާ ޕެކޭޖްތަކުގެ މިނިމަމް ސްޕީޑް ދަށްކުރެވޭނީ 5 އެމްބީޕީއެސް

- ރެސިޑެންޝަލް ބްރޯޑްބޭންޑް ޕެކޭޖްތަކުން 30 ޕަސެންޓު އަގުހެޔޮ ވާނެ

އިންޓަރނެޓް ހެޔޮ އަގެއްގައި ފޯރުކޮށްދިނުމަކީ ރައީސް ސާލިހުގެ ރިޔާސީ ވައުދުފުޅެކެވެ.