ޗައިނާގެ ދިފާއީ ބޭސްތައް އެފްރިކާ ސަރަހައްދަށް
21 މެއި 2021 | ހުކުރު 03:04އެފްރިކާ ސަރަހައްދުގައި ބޭސްއެއް އަޅަނީ އެ ސަރަހައްދުގައި އެމެރިކާގެ ސިފައިން މަދުވުމުން
ޗައިނާ އަސްކަރިއްޔާގެ ޖެޓުތަކެއް
ޗައިނާގެ ސިފައިންގެ އިތުރު ބޭސްތަކެއް އެފްރިކާ ސަރަހައްދުގައި އެޅުމަށް ނިންމާފައިވާ ކަމަށް ރިޕޯޓްތައް ބުނެފިއެވެ.
ރިޕޯޓްތައް ބުނާ ގޮތުން ޗައިނާއިން އެގައުމުގެ ސިފައިންގެ ބޭސްތަކެއް އެފްރިކާގައި އެޅުމަށް ނިންމާފައިވަނީ އެ ސަރަހައްދުގައި ޗައިނާ ސިފައިންގެ ބާރު އިތުރު ކުރުމަށެވެ. އަދި އެއީ އެމެރިކާގެ ބޭސްތައް މަދު ސަރަހައްދަކަށްވުމުން ޗައިނާއަށް އެ ސަރަހައްދުގައި ސިފައިންގެ ތަމްރީނުތައް ކުރިޔަށް ގެންދިޔުމަށް ފަސޭހަވެގެންދާނެ ކަމަށް ވެސް ރިޕޯޓްތައް ބުނެއެވެ.
ރިޕޯޓްތައް ބުނާ ގޮތުން ޗައިނާއިން އެފްރިކާ ސަރަހައްދުގެ އިތުރުން އެޓްލާންޓިކް ކަނޑުގެ ސަރަހައްދުގައި ކަނޑުގެ ސިފައިންގެ ބޭސްއެއް އެޅުމަށްވެސް އަންނަނީ ތައްޔާރު ވަމުންނެވެ.
ޗައިނާއިން އެފްރިކާ ސަރަހައްދުގައި އެގައުމުގެ ސިފައިންގެ ބޭސްތަކެއް އަޅަން އުޅޭ ކަމުގެ އަޑު ފެތުރިފައި މިވަނީ އެމެރިކާއިން އިންޒާރު ދީފައި ވަނިކޮށެވެ. އެފްރިކާގައި ހުންނަ އެމެރިކާ ބޭސްގެ ކޮމާންޑަރ ވިދާޅުވީ ޗައިނާއިން އެފްރިކާގައި ސިފައިންގެ ބޭސްތަކެއް އިތުރު ކުރުމަކީ އެމެރިކާއަށާއި އެ ސަރަހައްދުގެ ގައުމުތަކަށްވެސް އޮތް ނުރައްކަލެއް ކަމަށް ބުނެފައެވެ. އަދި ޗައިނާއަށް އޭރުން ކަނޑުގެ މަގުން ނުވަތަ ވައިގެ މަގުން ވެސް އެހެނިހެން ގައުމުތަކަށް ހަމަލާ ދޭން ފަސޭހަވާނެ ކަމަށް ކޮމާންޑަރ ވިދާޅުވިއެވެ.
