ކޮވިޑް ބަލީގައި އިތުރު މީހަކު ނިޔާވެއްޖެ
20 މެއި 2021 | ބުރާސްފަތި 20:07ބުރާސްފަތި ދުވަހު އިތުރު ދެ މީހުން ވަނީ މި ބަލީގައި ނިޔާވެފައި
ހުޅުމާލެ މެޑިކަލް ފެސިލިޓީ
ކޮވިޑް ބަލީގައި އިތުރު މީހަކު ނިޔާވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ކޮވިޑް ބަލީގައި ނިޔާވެފައި ވަނީ 72 އަހަރުގެ ދިވެއްސެއް ކަމަށާއި، އެ މީހަށް ފަރުވާދެމުން ގެންދިޔައީ ހުޅުމާލޭ މެޑިކަލް ފެސިލިޓީގައި ކަމަށެވެ.
މިއާއިއެކު ކޮވިޑު ޖެހިގެން ރާއްޖެއިން ނިޔާވި މީހުންގެ އަދަދު ވަނީ 115ށް އަރާފައެވެ.
ކޮވިޑް ޖެހިގެން ބުރާސްފަތި ދުވަހު އިތުރު ދެ މީހުން ވަނީ ނިޔާވެފައެވެ. އެއީ އުމުރުން 36 އަހަރުގެ ނޭޕާލުގެ ފިރިހެނަކާއި އުމުރުން 62 އަހަރުގެ ދިވެހި ފިރިހެނެކެވެ.
ކޮވިޑް ޖެހިގެން ރާއްޖޭގައި މިފަހުން އެންމެ ގިނަ މީހުން އެއްދުވަހާ ނިޔާވެގެން ރިޕޯޓްކޮށްފައިވަނީ ބުދަ ދުވަހުއެވެ. އެދުވަހު އެކަނި 7 މީހުން ވަނީ ނިޔާވެފައެވެ.
ރާއްޖޭގައި މިފަހުން ކޮވިޑްގެ ހާލަތު ވަނީ ގޯސްވެފައެވެ. އަދި މިއާއެކު ކޮވިޑް ކޮންޓްރޯލްކުރުމަށް އަންނަނީ ގިނަ ފިޔަވަޅުތަކެއް އަޅަމުންނެވެ.
