ކޮވިޑް ޖެހިގެން އިތުރު މީހަކު ނިޔާވެ ޖުމްލަ އަދަދު 114ށް
މިއީ މިއަދު ނިޔާވި ދެވަނަ މީހާ
އޭޑީކޭ ހޮސްޕިޓަލް
ކޮވިޑް-19 ޖެހިގެން އިތުރު މީހަކު ނިޔާވެއްޖެއެވެ.
އެޗްޕީއޭއިން ބުނެފައިވަނީ ނިޔާވެފައިވަނީ އުމުރުން 62 އަހަރުގެ ދިވެހި ފިރިހެނެއްކަމަށެވެ. މިމީހާ ނިޔާވެފައިވަނީ ބުރާސްފަތި ދުވަހުގެ އިރުއޮއްސި 6:52 ގައި އޭޑީކޭގެ އެމަރޖެންސީގައި ފަރުވާދެމުންދަނިކޮށެވެ.
މިއާއެކު ރާއްޖޭގައި ކޮވިޑް ޖެހިގެން ނިޔާވި މީހުންގެ އަދަދު ވަނީ 114ށް އަރާފައެވެ.
ކޮވިޑް ޖެހިގެން ބުރާސްފަތި ދުވަހު އިތުރު މީހަކުވެސް ވަނީ ނިޔާވެފައެވެ. އެއީ އުމުރުން 36 އަހަރުގެ ނޭޕާލުގެ ފިރިހެނެކެވެ. އެމީހާ ނިޔާވެފައިވަނީ ލާމު އަތޮޅު ކޮވިޑް ފެސިލިޓީގައެވެ.
ކޮވިޑް ޖެހިގެން ރާއްޖޭގައި މިފަހުން އެންމެ ގިނަ މީހުން އެއްދުވަހާ ނިޔާވެގެން ރިޕޯޓްކޮށްފައިވަނީ ބުދަ ދުވަހުއެވެ. އެދުވަހު އެކަނި 7 މީހުން ވަނީ ނިޔާވެފައެވެ.
ރާއްޖޭގައި މިފަހުން ކޮވިޑްގެ ހާލަތު ވަނީ ގޯސްވެފައެވެ. އަދި މިއާއެކު ކޮވިޑް ކޮންޓްރޯލްކުރުމަށް އަންނަނީ ގިނަ ފިޔަވަޅުތަކެއް އަޅަމުންނެވެ.
