ޓިއުޝަން ކްލާސްތަކަށް ހާޒިރުނުވެ ބޭރުތެރޭގައި އުޅުނު 100 އެއްހާ ލަންކާގެ ދަރިވަރުން ހައްޔަރު ކޮށްފައިވާ ކަމަށް އެ ގައުމުގެ ފުލުހުން ބުނެފިއެވެ.
ލަންކާގެ ނޫސްތަކުން ރިޕޯޓް ކޮށްފައިވާ ގޮތުން މި ދަރިވަރުން ހައްޔަރު ކޮށްފައިވަނީ އާނުރާދަޕޫރަ ކިޔާ ސްޓޭޓަކުންނެވެ. މި ''ލޯބީގެ ޖޯޑުތައް'' ހައްޔަރު ކުރީ ކުރިޔަށް ގެންދިޔަ ރެއިޑެއްގައި ކަމަށް އަނޫރާދަޕޫރަގެ ފުލުހުން ބުނެއެވެ. މި ދަރިވަރުންނަކީ އުމުރުން 18 އަހަރުން ދަށުގެ ކުދިންނެވެ.
ފުލުހުން ބުނާ ގޮތުގައި، އެ ދަރިވަރުންނަކީ ޓިއުޝަން ކްލާސްތަކަށް ހާޒިރުވާން ޖެހޭ ކުދިންނެވެ. އެކަމަކު ހާޒިރުނުވެ އެ މީހުން ބޭރު ތެރޭގައި އުޅުމުން މައިންބަފައިންނާ ހަވާލު ކޮށްފައިވާ ކަމަށް ފުލުހުން މައުލޫމާތުދެއެވެ.
