ޕްރިޔަންކާ ޗޯޕްރާ އޭނާގެ ލޯބިވެރިޔާ ނިކް ޖޯނަސް ޕްރިންސް ހެރީ އާއި އަނބިކަނބަލުން މޭގަން މާކަލް އަށް ތަޢާރަފް ކޮށްދީފިއެވެ.
ޚަބަރުތައް ބުނާ ގޮތުން ޕްރިޔަންކާ ނިކް ތަޢާރަފް ކޮށްދީފައިވަނީ ފާއިތުވި ހަފްތާގައި އެދެކަނބަލުން ދިރިއުޅުއްވާ ގަނޑުވަރުގައެވެ.
އިނގިރޭސި ލަވަ ކިޔުންތެރިޔާ ނިކް، " ކުއާންޓިކޯ" ގެ ތަރި ޕްރިޔަންކާއަށް ޕްރޮޕޯސް ކޮށްފައިވަނީ ވެސް ހަމަ އެ ހަފްތާގައި ކަމަށް ޚަބަރުތައް ބުނެއެވެ.
ޕްރިޔަންކާ އާއި މެގަން އާއި ދެމެދު ރަހުމަތްތެރިކަން އުފެދިފައި އޮންނަތާ ވަނީ ގިނަ ދުވަސްތަކެއް ވެފައެވެ. އަދި މީދެމީހުން އެކުގައި މަޖާކޮށް އެކުގައި އުޅޭ މަންޒަރު ވަނީ ފެނިގެން ގޮސްފައެވެ.
މިދިޔަ ހުކުރު ދުވަހު ޔޫއެސްގެ މީޑިއާއަކުން ވަނީ ޕްރިޔަންކާ އާއި ނިކް ޖޯނަސް އެންގޭޖް ކޮށްފައިވާކަން ހާމަ ކޮށްފައެވެ. މީގެ އިތުރުން ވެސް "ބާރަތް" ގެ ޕްރޮޑިއުސަރ އަލީ އައްބާސް ޒަފަރުވެސް ވަނީ އޭނާގެ ފިލްމް ޕްރިޔަންކާ ދޫކޮށްލި ކަމަށާއި ޕްރިޔަންކާ އެންޖޭގް ކުރިކަމަށް ދޭހަވާ ގޮތަކަށް ޓްވީޓެއް ކޮށްފައެވެ.
ފާއިތުވި ދުވަސްތަކުގައި ނިއުޔޯކް ސިޓީގައި ޕްރިޔަންކާ 36، އަދި ނިކް ޖޯނަސް 25 އެކުގައި ޑޭޓް ތަކަށް ގޮސް އުޅެނިކޮށް ވަނީ ފެނިގެން ގޮސްފައެވެ. މީގެ އިތުރުން ވެސް ލޮސް އޭންޖްލްސްގައި ބޭއްވި "ބިއުޓީ އެންޑް ދަ ބީސްޓް" ލައިވް ކޮންސެޓަށް މިވެސް މި ޖޯޑު ވަނީ ގޮސްފައެވެ.
